ھەلبژارتنێن پەرلەمانی و دەواتا دو رێزی

سالار دۆسکی
ماوەکە ھەموو پارت و ئالیێن و قەوارێن سیاسی ل کوردستانێ مژوولی بەرھەڤیێن ھەلبژارتنێن کوردستانێ نە کو ژڤانە ٣٠ ئەیلولا ئەڤ سالە برێڤە بچن، ھەر ژ نھا ناڤێن ھندەک کەسان دناڤ جادە و کولانێن باژێری دا دیاربووینە کو بەربژێرێن فلان پارتێ نە و ھندەک ژی بخوە وەستا گەرن کو ناڤێ وی ژی بچیتە دناڤ کاندیدان دا و ئەو ژی ژڤێ خێرێ بێ بەھر نەبیت، بھێتە بەر بەحس و خەبران، تۆرا جڤاکی یا فەیسبووکێ ئەڤرۆ ھەموو سنۆر بەزاندینە و ھەر ھەموو ھەڤال دوست دئێک ژوور دا کۆم کرینە، لەورا گەلەکان ژی ئەڤە ب دەلیڤە دیتی یە، خوە د فەسبووکی دا بەر بژێر بکەن و پرسیار بکەن ما نە ژی ھەژی مە ببمە ئەندام پەرلەمان، پەیچ ب ناڤی وی بھێنە دروستکرن و پشتەڤان دروست بن و ھندەکێن دوری وی ب فەربینن ناڤێ وی دیاربکەن و ژ ھەژی ڤی پوستی بینن و ژنوو بیتە جامێر لایک و کومێنت ژێ نە بورن، ھەر چ بەلاف بکەی ئەو تێدا پشکداربیت، ئەڤی پوستی پەیجێن فەیسبووکی گەلەک بیرھاتنێن زارۆکینیێ ئینانە بیرا من، دەمێ دچووینە پێش دەھواتان دەمێ ل ناف تاخان دھاتنە کرن، کو 3 شەڤ و 3 رۆژا بوون، دەمێ کەسەکی ستران گۆت بان و دەنگێ وی یێ نەخوش با، دبیت کەس نەچوو با دەھواتێ یان دا دەھواتێ بەردەن، ئەڤجا سترانبێژ دا گازی کەت ھەرنە دەھواتێ یان دەمێ ئاھەنگەکێ سترانبێژەکی ستران گۆتبان و دەنگێ ویێ نەخوش با و کەسەکێ گوھداری نەکربا، دا بێژیت دەست دەست ئانکو دەستا ل گەل دەنگێ وی ب قوتن، ئەز دبێژم ھەکە دەنگێ تەیێ خوش با و شولا تە ستران گۆتن بان، دا دەنگێ تە دەستێن مە و ملێن مە ھەژینت پێدڤی ب تە نەدکر کو دبەر سترانێ را ھەر بێژی کا دەستێن وە و دەستا ب قوتن و وەرنە دەھواتێ، دێ بێژمە ڤە گەلی ھەڤالان من چ مەرەم ب ڤێ نڤیسینێ نین، لێ بیرھاتنەک ھەوە ئینا بیرامن یا زارۆیکنیێ، لەورا دێ بێژم ھەکە تو کەسەکێ ژ ھەژی و چالاک و زیرەک و شوون تبلێن تە دیارن و دێ شیی خزمەتەکێ کەی، پێدڤی ناکەت تو خوە ل فەیسبووکی کاندید بکەی و سینگێ خوە دەربێخی، بەلکو ھەکە ژ ھەژی ڤی پۆستی بی دێ ھێنە بەردەرگەھێ تە و دێ گازی تەکەن و ب ئەڤێ بۆچوونا تە یا فەیسبووکی کو حەز دکەی بھێ یـە ھەلبژارتن، تو وەک ھونەرمەندێن دەنگ نەخوەشی ئەوێن نەشێن ھەست و دەستێن خەلکی بلڤینن و دبێژن دەستا بقوتن، گازی کەی ئەز و ئەز، ھەکە تە گۆھەرینا جڤاکی دڤێت و خزمەتا خەلکی گەلەک دەرگەهـ ھەنە، لێ نوکە رۆھن و دیار بوویە چوونا پەرلەمانی ژ بەر خزمەتا کێ یە و یا چییە نموونە  د دیارن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.