ھەسەدە: ل پرانییا بەرەیان شەر دژوارتر بوویە

ھەسەدە: ل پرانییا بەرەیان شەر دژوارتر بوویە

WAAR-دهۆك:

ھێزێن سووریایا دیموکراتیک ھەسەدێ راگەھاند؛ ل پرانییا بەرەیان شەر دگەل سوپایێ تورکیێ و چەکدارێن سەر ب وێڤە دژوارتر بوویە، د بیست و چوار سەعەتێن بۆری دا شەرڤانان سیھـ سەرباز و چەکدار کوشتن.
ناڤەندا راگەھاندنا ھەسەدێ دیارکر: سەرباری بریارا جڤاتا ئاساییشا نێڤدەولەتی یا گرێدایی ئاگربەستێ، لێ سوپایێ تورکیێ ل سەر بنپێکرنا وێ بریارا نێڤدەولەتی یا بەردەوامە و گۆت: بۆمبه‌بارانا ناڤەندا عەفرینێ ژ ئالیێ سوپایێ تورکیێ ڤە بەردەوامە و شڤێدی پشکا زارۆیان ل نەخوەشخانەیا عەفرینێ بوو ئارمانجا بۆمبەبارانا وان.
ھەسەدێ د راگەھاندنا خوە دا گۆت ژی: ل ھەموو گوندێن ناوچەدارییا جندرێسێ شەرەکێ دژوار د ناڤبەرا شەرڤانان و سوپایێ تورکیێ و چەکدارێن سەر ب وێڤە دھێت کرن، ل گوندێن ناوچەدارییا بلبلێ ژی شەر بەردەوامە و تێدا شەرڤانان نۆزدە سەربازێن و چەکدار کوشتن.
ل ناوچەدارییا شیێ ژی؛ دژوارترین شەر دھێت کرن، تێدا شەرڤانان تا نھا یازدە سەرباز و چەکدار کوشتینە و گۆت: د گەل شەر و پەڤچوونان بۆمبەبارانا سوپایێ تورکیێ یا بەردەوامە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.