ھەسەدێ خوە ژ سەرێ کانیی ڤەکێشا

ھەسەدێ خوە ژ سەرێ کانیی ڤەکێشا

WAAR-دهۆك:

شەرڤانێن ھێزێن سووریا دیموکراتیک ھەسەدێ، خوە ژ سەرێ کانییێ ڤەکێشا، ئاژانسا سانا ژی ئاشکرا کر: کو سوپایێ تورکیا و چەکدارێن سەر ب وێڤە چوون د ناڤ وی باژاری دا.
ل دووڤ ئاگەھیێن پەیامنێرێ وار ل رۆژئاڤایێ کوردستانێ: ھێزێن سووریا یا دیموکراتیک ھەسەدێ دەست ب ڤەکێشانا شەرڤانێن خوە ل سەرێ کانییێ کریە، زانیاری ئاماژە ددەن کو ئەو ھێزە بەرەڤ باژارێ حەسەکێ چوون.
‌ئاژانسا سانا یا فەرمی یا رژێما سووریێ ژی راگەھاند؛ سوپایێ تورکیا و چەکدارێن سەر ب وێڤە ب تەمامی چووینە د ناڤا سەرێ کانیێ دا.
ڤەکێشانا شەرڤانێن ھەسەدێ، د چوارچووڤێ رێککەفتنا ئەمریکا و تورکیا دا دھێت، ل گۆرەیی وێ پێدڤییە ھەسەدە ھێزێن خوە ب کووراتییا 32 کیلۆمەتران ل دەڤەرێن سنۆری یێن د ناڤبەرا سووریا و تورکیا ڤەکێشیت.

بابه‌تێن ب ڤێ مژارێ ڤه‌ گرێدای