ھەسەدێ باغۆزا بچووک كۆنترۆل كر

ھەسەدێ باغۆزا بچووک كۆنترۆل كر

WAAR-دهۆك:

ھێزێن سووریا یا دیموکراتیک ھەسەدێ، باغۆزا بچووک یا باشۆرێ رۆژھەلاتێ باغۆزێ کۆنترۆل کر.

ژێدەرێن نووچەیان یێن رۆژئاڤایێ کوردستانێ یێن نێزیکی ھێزێن سووریایا دیمۆکراتیک، ھەسەدێ، دیار کر؛ شەر و پەڤچوونێن دژوار د ناڤبەرا شەرڤانێن ھەسەدێ و تیرۆرستێن داعشێ دا ل باغۆزا بچووک کو دەڤەرەکا ھەری بچووک یا باشۆرێ رۆژھەلاتێ باغۆزێ یە، دەست پێ کربوو و شەرڤان شییان وێ دەڤەرا بچووک ژ دەستێ داعشێ رزگار بکەن.

خوەیا ژی کر: نھا ژمارەیەکا تیرۆرستان ل گرێن دەردووری باغۆزێ ماینە و لێگەریانا ژ ئالیێ شەرڤانان ڤە بەردەوامە.

بەری نھا عەدنان عەفرینێ، سەرکردەیێ ھەسەدێ راگەھاندبوو؛ ب ھزاران تیرۆرستان خوە رادەستی ھێزێن وان کرییە، لێ نێزیکی ھزار تیرۆرستان ل باغۆزا بچووک ماینە و رەت دکەن خوە رادەست بکەن و بریارا شەری دایە.

بابه‌تێن ب ڤێ مژارێ ڤه‌ گرێدای