ھەرێم و ئیراق رێککەفتن دوشەمبیێ ل ھەولێرێ کۆم ببن

ھەرێم و ئیراق رێککەفتن دوشەمبیێ ل ھەولێرێ کۆم ببن

WAAR-دهۆك:

شاندا حکومەتا ھەرێما کوردستانێ د گەل حکومەتا ئیراقێ دا رێککەفتن ل رۆژا دوشەمبییا بھێت ل ھەولێرێ کۆم ببن.
وەزارەتا ناڤخوە یا ھەرێما راگەھاندنەک ل دور کۆمبوونا ئەڤرۆ بەلاڤ کر و دیارکر، شاندەکا حکومەتا ھەرێمێ ب سەرۆکاتییا کەریم شنگالی وەزیرێ ناڤخوە سەرەدانا بەغدایێ کر، شاندا ھەرێمێ دگەل شاندا بەغدایێ ب سەرۆکاتییا ئەمیندارێ گشتیێ جڤاتا وەزیرێن ئیراقێ و ب سەرپەرشتییا قاسم ئەعرەجی وەزیرێ ناڤخوە یێ ئیراقێ کۆمبوو، ئەعرەجی د وێ کۆمبوونێ دا دوپاتی ل کرنا کۆمبوونا کر بۆ دوبارەکرنا دانوستاندنێن گرێدایی کێشەیێن د سنۆر و گومرک و فرۆکخانە و رێڤەبرنا بەنداڤان دا ھەیی ل گۆرەیی دەستووری کر.
گۆتژی: سەرۆکێ جڤاتا وەزیران رژدە ل سەر چارەکرنا وان دوسێییان و دوبارە ڤەگراندنا چالاکیێن وان سازییان.
سەرۆکێ شاندا ھەرێمێ ژی دلخوەشییا خوە ب ڤێ دەستپێشخەریێ بۆ چارەکرنا کێشەیان دیارکر، ب شێوەیەکی خزمەتا تەڤایا ئیراقێ بکەت و چارەیا وان کێشەیان بکەت یێن بەرێ خوە دایی ھەرێما کوردستانێ.
ھەردو ئالی رێککەفتن ل رۆژا دوشەمبی ل ھەولێر کۆمببن، ب ھەڤرا کۆنووسەکێ گشتگیر یێ گرێدایی چارەکرنێ کو دێ رێککەفتن ل سەر ھێت کرن بنڤیسن، ھەروەسا د گەل بلندکرنا وان کێشەیان یێن کو پێدڤی ب بریارا جڤاتا وەزیرێن ئیراقێ ھەیە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.