ھەرێما کوردستانێ د چوارچوڤێ دەولەتا عیراقێ دا (2005 تاكو 2017):

دلوەر سعدالله بدیع
 راستە ئەم وەک مللەتێ کورد روویبرووی ھندەک ئاستەنگ و کێشێن مەزن دبن لێ پێتڤی یە ل سەرمە ئەم دگەل ھیڤی و ئارمانجێن سیاسی ب گونجن نەکو ھەردەما وەختەک یان سەدەمەک ب سەرمەدا ھات ببنە خودان ئابوور و سیاسەت لێ ژبۆ بەرژەوەندیێن حزبی و تاکەکەسی ب مەزێخن، لەوما ئەم وەک ھەرێما کوردستانێ پێتڤی سەربورانە داکو خەلەتیێن خۆ باش بخوێنن و دوبارەنەکنەڤە، لێ ھەکەر ئەم باس ل دیروکا بەری (12) دوانزدە سالان بکن چاوان تێپەری ئەم کورد گەھشتن چ ئاست دچوار چوڤێ عیراقەکا ئێکگرتی دا ل ھەرێما کوردستانێ ل سالا (2003) پشتی روخاندنا حکومەتا سەدام حوسێنی رۆژ ب رۆژ دەستھەلاتا ھەرێما کوردستانێ بەرفرەھتر لێ ھات ژ روویێ سیاسی ڤە ھەروەسا ژروویێ ئابووری ڤە، سەرەرای ل پشتی روخاندنا حکومەتا سەدام حوسێنی دەرفەتەکا زێرین بوو بۆ کوردان کو باس ل پرسا سەربەخویێ و دەولەتێ بکن، بەلێ ژبەر لاوازیاوێ د چوارچوڤێ عیراقێ دا و ماناوێ رابوون داخوازا پۆست و بودجەیێ زێدەتر کرن داکو ب ھێزتر بکەڤیت دڤی چوارچووڤەیێ ھەنێ دا، ئانکو سوود ل سەر فراوانبونا دەستھەلاتا سیاسی و ئابووری وەرنەگرت بەلکو کار و ئامانج و پروژەیێن خوە ژبو بەرژەوەندیا حزبایەتی و تاکەکەسی ئەنجام دان حە تاکو ئەڤ ئارەزویا سەربەخویێ بھێت ژدەست دان ھەرێما کوردستانێ گەھشتبوونە سەربەخویەکا تەمام ژبەرکو ببوونە خاوەن سەروکایەتی ھەرێم و سەروکایەتی پەرلەمان و سەروکایەتی حکومەت حەتا گەھشتە وی رادەی پەترۆلا خوە ب سەربەخویی ب فروشێت ئانکو سنورێن دەستھەلاتا ھەرێما کوردستانێ ب تەمامی فراوانتر لێ ھاتن، حکومەتا ھەرێما کوردستانێ بۆ خودان گرێبەستێن ئابووری کو خاوەن 50 سالى و 20 سالى بوون ل گەل وەلاتێن زلھێز ئەوژیک ڤەدگەریا بۆ داھاتێ بەرفرەھێ کوردستانێ، لێ ئەگەرێ پاشڤەمانا وێ ئەو بوو کو ئەڤ داھاتە ژبۆ خزمەتکرن و سەرفکرنا ھاولاتیێن کوردستانێ ب کارنەھێنرا حەتا کەتینە دقەیرانێن ئابووری دا و فەرمانبەرێن حکومەتێ ژیک بۆ ماوێ 3 سال تا 4 سالان بێ مووچەمان و حەتا گەھشتە وی رادەی نیڤ موچە و چارێکە مووچە وەرگرتن و بەردەوام چاڤەرێی چاککرنا مووچان دبوون. ژلایەکێ دیڤە پەیوەندیێن نافخویی یێن حزبێن سیاسی یێن کوردستانی ب دژی یەک بوون تا گەھشتیە وی رادەی کو بکەڤنە ل ژێر باندورا وەلاتێن زلھێزڤە وەکی ئیرانێ و ھندەک ژ وان کەفتنە ل بن باندورا عیراقێ ڤە ھەروەسا ئەگەر ئەم باس ل ریفراندومێ بکەن کو ریفراندوم ئێک ژوان پرسانە کو دڤێت زەمینەسازی بۆ ھەبیت نەبەس ل دەرڤە بەلکو دنافخویی ژیک دا دگریت ژبەرکو پروسەیەکا ب ڤی شێوەی ھند گرنگ بێ گومان یابێ زیان نابیت، لێ ژبەرکو ھەرێما کوردستانێ گە لەک کێشێن دی ھەبوون ھەر بگرە ژ نەدانا موچەی و نەرێک ئێخستنا ناف مالا کوردی و نەلێک تێگەھشتنا ئەحزابێن سیاسییێن کوردی ئەڤە ھەمی ئەگەرێن سەرەکی بوون کو ھەرێما کوردستانێ بەرەڤ پاشڤە بچیت ژلایەکێ دیڤە ئەگەر باس بکەین چاوان بازنێ خیانەتێ و شکەستن ھات تێپەراندن ل ڤێرێ ئەگەر ئەم ژکەرکوکێ دەست پێ بکن ژبەرکو کەرکوک ئێکەم شەربوو تێدا ھاتیە کرن دگەل میلیشیاتێن حەشدا شەعبی و پاسدارێن ئیرانێ دا، ل دەسپێکێ و ل 16 شانزدەی ئکتوبەرێ پێشمەرگەی شەرەکێ ئێکجار مەزن ئەنجام دا لێ پشتی کێشانا پێشمەرگێ حزبەکا دەستھەلاتدارا کوردی و رێکەفتنا وێ دگەل لایەنەکێ دژی پێشمەرگەی ئەنجام دای بۆ ئەگەر کو کەرکوک و تەڤایا وان ناوچێن کێشە ل سەر ژدەست بدەن ئەگەر ژیک ئەو بوو کو ھەرێما کوردستانێ سوپایەکێ ئێکگرتی یێ نیشتمانی سەربخوو نەبوو . ل داویێ ب دیتنامن پێتڤیە ل سەر ھەرێما کوردستانێ پتر کاربکەت ژبۆ رێکخستنا بارودوخێن نافخویی ژبەرکو ئەم پێتڤی ب پەروەردەیەکا مروڤایەتی و نیشتیمانی نە، ھەروەسا زۆر یا پێتڤی یە ل سەر حکومەتێ و سەرکردایەتیا سیاسی یا کوردی بارودوخێن جیھانی باش ب خوێنیت داکو ئەڤ کارەساتا ھاتیە رویدان دوبارە نەبیتە ڤە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.