ھۆنگ کۆنگ.. خوەنیشاندان بەردەوامن

ھۆنگ کۆنگ.. خوەنیشاندان بەردەوامن

WAAR-دهۆك:

خوەنیشاندانێن خەلکێ ھۆنگ کۆنگێ ل دژی بریارا پەرلەمانی یا رادەستکرنا بەرگومانان بۆ حکومەتا چینێ ئەڤرۆ ژی بەردەوامن و خەلک داخوازێ ژ پۆلیسان دکەن توندوتیژیێ بکار نەئینن.
ب سەدان قوتابیێن زانکۆیێن ھۆنگ کۆنگێ، ئەڤرۆ ل ھەمبەری پەرلەمانی خرڤەبوون و داخواز ژ ھێزێن ئەمنی کر، ئێدی توندوتیژیێ ل دژی خوەنیشاندەران بکار نەئینن و دژاتییا خوە ژی بۆ وێ بریارا پەرلەمانی دیار کر.
پەرلەمانێ ھۆنگ کۆنگێ پرۆژەبریارەک بەرھەڤکرییە کو تێدا دێ وان بەرگومانێن ژ چینێ رەڤینە ھۆنگ کۆنگێ، دوبارە رادەستی حکومەتا پەکینێ کەن و وێ یەکێ خەلکێ وێ دەڤەرێ نەرازی کرینە.
ب سەدان ھزار خەلکی دەما ھەفتیسەکێ یە ل سەر جاددەیێن ھۆنگ کۆنگێ خوەنیشاندانان ل دژی وێ بریارا پەرلەمانی دکەن و ناخوازن ئەو کەس رادەستی حکومەتا چینێ بھێن کرن.

بابه‌تێن ب ڤێ مژارێ ڤه‌ گرێدای