ھۆنگ کۆنگ.. خوه‌نیشاندان مه‌زنتر دبن

ھۆنگ کۆنگ.. خوه‌نیشاندان مه‌زنتر دبن

WAAR-دهۆك:

ل گه‌ل بوورینا ده‌می نه‌رازیبوونا خه‌لكێ هه‌رێما هۆنگ كۆنگ ل دژی ده‌ستهه‌لاتێ زێده‌ دبن و خوه‌نیشاندان ژی مه‌زنتر دبن و ئه‌ڤرۆ ژی خرڤه‌بوونێن مه‌زن هاتن دیتن.
ب ده‌هان هزار وه‌لاتیێن هۆنگ كۆنگێ ئه‌ڤرۆ ژی رژیانه‌ سه‌ر جاده‌یان و ئاستێ داخوازێن خوه‌ بلند كرن و داخوازا دەستژکارکێشانا سەرۆكا وێ هه‌رێمێ كر.
زێدەباری بریارا دوهی یا سەرکرداتییا ھۆنگ کۆنگێ یا راگرتنا دانوستاندنێن رادەستکرنا سووچباران ب چینێ، ئەڤرۆ ژی خەلک رژیانە سەر جادەیان و خوەنیشاندان کرن و داخواز ژ کاری لام، سەرۆکا جێبەجێکار کر، دەست ژ پۆستێ خوە بەردەت.
خوه‌نیشانده‌ره‌كی ژی ل ده‌مێ هه‌لاویستنا درۆشمه‌كی د ئاڤاهه‌یه‌كێ بلند دا كه‌فته‌ خوار و ژیانا خوه‌ ژده‌ست دا.
هه‌ڤده‌م ل گه‌ل خوه‌نیشاندانێن ئه‌ڤرۆ سه‌رۆكێ وێ هه‌رێمێ گۆت: ئه‌و داخوازا لێبۆرینێ دكه‌ت ژبه‌ر دروستكرنا ئالۆزی و ناكۆكیان لێ چ ئاماژه‌ نه‌دانه‌ ده‌ستژكاركێشانێ.
بریارا حکومەتا ھۆنگ کۆنگێ یا رادەستکرنا سووچباران ب چینێ، دەما زێدەتر ژ ھەفتیەکێ یە پێلەکا نەرازیبوونان ل دووڤ خوە ئینایه‌، رۆژانە نێزیکی ملیۆن کەسان خوەنیشاندانان دکەن و شەر و ئالۆزی ژی د ناڤبەرا وان و ھێزێن ئەمنی دا ھات دیتن.

بابه‌تێن ب ڤێ مژارێ ڤه‌ گرێدای