ھۆشدارییەک بۆ خەلکی .. دەرمانێن زەعیفکرنێ ترسێن مەزن لدووڤ خوە دھێلیت

ھۆشدارییەک بۆ خەلکی .. دەرمانێن زەعیفکرنێ ترسێن مەزن لدووڤ خوە دھێلیت

وار –  سیدرا مزووری :

پۆلیسێن نیڤ دەولەتی “ئنتەرپۆل” ھۆشدارییەکا جیھانی ددەتە خەلکی لدۆر دەرمانەکێ زەعیفکرنێ یا کو د ھەمان دەمدا دھێتە بکارئینان لدەف وەرزشڤانێن لەش جوانییێ پشتی کو بوویە ئەگەرێ مرنا ئافرەتەکی ل وەلاتێ بریتانیا و دیسان بوویە ئەگەرێ مەترسییێن مەزن بۆ کەسەکی ل وەلاتێ فرەنسا.
بێژەرێ “ئنتەرپۆل” وێژەیەکا درێژ بەلاڤکر لدۆر ترسێن لایەنێن پۆلیسی و رێکخراوێن نیڤ دەولەتی دیسان لایەنێن بەرپرس ل گۆر مەترسییێن مادەیێ “2.4 دینیتروفینول” یا بەرنیاس ب مادەیێ “دی ئێن بی DNB” یا ب مەترسی و یا کو دبیت ببیتە ئەگەرێ مرنێ، و دھێتە ب کارئینا وەک پێکھاتەیەک ژبۆ کێمکرنا سەنگا لەشی و دیسان بۆ وەرارا زەڤلەکان.
ئەڤ مادەیە یا کو دھێتە فرۆتن وەک پێکھاتەیەکێ تۆزی یێ زەر یان ژی حەپکان، دیسان ب رەنگێ کریمان ژی ھەیە.
ھەژی گۆتنێیە کو مەترسییێن بکارئینانا وێ مەزن دبیت ژبەر ئەوان دەلیڤەیێن کو تێدا دھێتە بەرھەمئینان یێن نە قانۆنی. بۆ زانین؛ مادەیێ “دی ئێن بی” دھێتە بکارئینان د دروستکرنا ھندەک جۆرێن بۆمبان دا.
“ئنتەرپۆل”ێ ئاماژە ب وێ یەکێ ژی دا کو ئەڤ مادەیە دھێتە بەرھەمئینان د ھندەک تاقیگەھێن نھێنی دا کو ب چ رەنگان پیڤەرێن پاقژییێ لدەف نینن.
ھەژی گۆتنێیە؛ د سالێن سیھان دا ئەڤ مادەیە دھاتە بکارئینان بۆ کێمکرنا سەنگی و دیسان ھاندانا ھێلکەدانان بۆ پەیداکرنا ھێکان لدەڤ ئافرەتێن نەزۆک لێ ژ بازاران ھاتنە لادان ژ ئەگەرێ مەترسییێن وێ دۆر ژ دەستدانا گیانی.

بابه‌تێن ب ڤێ مژارێ ڤه‌ گرێدای