ھواوی دێ مۆبایلەکا نوو راگەھینیت

ھواوی دێ مۆبایلەکا نوو راگەھینیت

WAAR-دهۆك:

کۆمپانییا ھواوی یا چینی ب نیازە نووترین مۆبایلا خوە کو ناڤێ میت 30 لێ کرییە، ل رۆژێن بھێن راگەھینیت.
کۆمپانییا ھواوی یا چینی بریارا دا رۆژا نوزدەی ڤێ مەھێ نووترین مۆبایلا خوە یا ب ناڤێ میت سیھـ د رێورسمەکێ دا ل باژارێن میۆنشێن یێ ئەلمانی راگەھینیت، ئەڤە ژی دێ ئێکەم بەرھەمێ وێ بیت، پشتی کۆمپانی کەفتییە بەر سزایێن ئەمریکا.
ھواویێ ئەو یەک راگەھاندییە و بێی کو چ ھوورکاتییان ل سەر مۆبایلا نوو و ساخلەتێن وێ ئاشکرا بکەت، لێ راپۆرتێن رۆژنامەڤانی دیارکرینە کو مۆبایلا میت سیھـ پرۆ دێ ب چار کامیران بیت و ب کوالێتییا چل مێگا پێکسل.
ویلایەتێن ئێکگرتی یێن ئەمریکا ب سووچا سیخۆریێ بەری چەند مەھەکان سزا دانانە سەر کۆمپانییا ھواوی و ھۆشداری دانە کۆمپانیێن ئەمریکی کو سەرەدەریێ دگەل نەکەن، کۆمپانییا گوگل ژی وەک پابەندبوون ب سزایان تەڤ خزمەتێن خوە بۆ ھواویێ برین، لەوما نھا کۆمپانیێ سیستەمەکا تایبەت ب خوە ڤە ب ناڤێ ھارمۆنی بەرھەڤ دکەت.

بابه‌تێن ب ڤێ مژارێ ڤه‌ گرێدای