ھندستان و پاکستانێ دانوستاندن دەستپێکرن

ھندستان و پاکستانێ دانوستاندن دەستپێکرن

WAAR-دهۆك:

ھندستان و پاکستانێ پشتی داوی ئالۆزییا کەشمیرێ و ئێخستنا فرۆکەیان، ئەڤرۆ ئێکەم دانوستاندن دەست پێ کرن.
پەیڤدارێ کاروبارێن پەیوەندیێن دەرڤە یێن ھندستانێ راگەھاند؛ شاندەکا پاکستانێ ئەڤرۆ ب ئارمانجا ڤەکرنا دەرگەھەکێ سنۆری یێ بێی ڤیزە ل ھەمبەر ئۆلدارێن سیک داکو سەرەدنا مەزارێن خوە یێن نێزیکی سنۆری بکه‌ن، دەربازی سنۆرێن ھندستانێ بوویە.
ئەڤ ھەڤەکارییا ھەردو وەلاتان کێم دھێتە دیتن کو پشتی سالا ھزار و نەھسەد و چل و حەفتێ سێ جاران شەر د ناڤبەرا وان دا چێبوویە و ئالۆزییێن وان بەردەوامن.
داوی ئالۆزییا ھەردو وەلاتان ژی ل مەھا بووری بوو کو گرۆپەکێ چەکدار یێ پاکستانی ب ناڤێ سوپایێ موحەمەد ل کەشمیرێ ھێرشی سوپایێ ھندستانێ کربوو و چل سەرباز کوشتبوون و پشتی بەرسڤا نیۆدەلھێ، پاکستانێ دیسان دو فرۆکەیێن هندستانێ ئێخستبوون.

بابه‌تێن ب ڤێ مژارێ ڤه‌ گرێدای