ھنارتییێ نوو یێ نەتەوەیێن ئێکگرتی دێ سه‌ره‌دانا رۆسیا كه‌ت

ھنارتییێ نوو یێ نەتەوەیێن ئێکگرتی دێ سه‌ره‌دانا رۆسیا كه‌ت

WAAR-دهۆك:

ھنارتییێ نەتەوەیێن ئێکگرتی بۆ سووریا كۆمبوونێن خوە ل گه‌ل به‌رپرسێن سووری ب به‌رهه‌مدار ناڤکرن و بریارە پشتی دیمه‌شقێ سه‌ره‌دانا مۆسكۆیێ بكه‌ت .
گێیر پیدرسن، ھنارتییێ نەتەوەیێن ئێکگرتی بۆ سووریا گه‌شتا خوه‌ بۆ دیمه‌شقێ بدوماهی ئینا و د داخویانییه‌كێ دا بۆ رۆژنامه‌ڤانان گۆت: كۆمبوونێن ل گه‌ل به‌رپرسێن حكوومه‌تا سووری گه‌له‌ك به‌رهه‌مدار بوون و هەردو ئالی ل سەر بهێزکرنا هه‌ماهه‌نگییێ د بزاڤێن بدوماهیئینانا ره‌وشا نها دا هەڤرا بوون.
ئاژانسا “تاس” یا رۆسی ژی ئاشكه‌را كر: رۆسیا دێ وێستگه‌ها دویێ یا شووێنگری ستافان دی مێستۆرای بیت و بریارە ل وێرێ پیدرسن دوماهی پێشهاتێن ره‌وشا سووریا و كارێ لژنەیا دارشتنا دەستوورێ نوو بۆ سووریا ل گه‌ل هنارتییێ ڤلادیمێر پۆتینی بۆ سووریا، ئه‌لیكزه‌نده‌ر لاڤرێنتییێڤی باس بكه‌ت.

بابه‌تێن ب ڤێ مژارێ ڤه‌ گرێدای