ھشیار زێباری: ئەڤرۆ ھەرێمێ ٥٧٩ ھزار بەرمیلێن پەترۆلێ ب رێیا سۆمۆ ھنارتینە دەرڤە

وار – دهۆک :

وەزیرێ داراییا ئیراقێ راگەھاند؛ ھەۆلێن وێ یەکێ د ھێنە کرن، کو بەغدا چ پارەیی بۆ ھەرێمێ نە ھنێریت لەو یا گرنگە ھەرێم یا بەردەوامبیت ل سەر ھنارتنا پەترۆلێ ب رێیا سۆمۆیێ.
ھشیار زێباری، وەزیرێ داراییێ ئیراقێ ل گەل ئارام شێخ محەمەد جێگرێ سەرۆکێ پەرلەمانی کۆمبوو و د کۆمبوونێ دا گۆتییە: ھەرێمێ ل مەھا بۆری چوار ملیۆن و ٤٠٠ ھزار بەرمیلێن پەترۆلێ ب رێیا کۆمپانییا سۆمۆ ھنارتینە دەرڤە و د بەرامبەر دا بەغدا ژی ١٦٦ ملیار دینار بۆ ھەرێمێ ھنارتینە.
دا زانین ژی؛ چەند ئالییەک یێ بۆ وێ یەکێ کاردکەن، بەغدا چ پارەیان بۆ ھەرێمێ نەھنێریت، لەو یا گرنگە ھەرێم یا بەردەوامبیت ل سەر ھنارتنا پەترۆلێ ب رێ یا سۆمۆ یێ، ئەڤرۆ ژی ھەرێمی ٥٧٩ ھزار بەرمیلێن پەترۆلێ ب رێیا سۆمۆ یێ ھنارتینە و ئەڤە ژی پێنگاڤەکا باشە.
ژ ئالییێ خوەڤە ئارام شێخ محەمەد دیار کر؛ یا گرنگە ئەڤ جارە دەمێ شاندێ ھەرێمێ د ھێتە بەغدا، ل بەر چاڤان یا روھن بیت داوییێ ب کێشەیێن خەلکێ کوردستانێ بینیت.
گۆت ژی: گەر ئیرادەیا رێککەفتنێ ھەبیت، د شیان دایە رێککەفتنا بەرێ بھێتە راستڤەکرن یان ژی رێککەفتنەکا نوو و بلەز بھێتە ئیمزا کرن.

بابه‌تێن ب ڤێ مژارێ ڤه‌ گرێدای