ھایکۆ ماس: ھێرشا تورکیا ل سەر باکۆرێ سوورییێ داگیرکاری یە

ھایکۆ ماس: ھێرشا تورکیا ل سەر باکۆرێ سوورییێ داگیرکاری یە

WAAR-دهۆك:

وەزیرێ دەرڤە یێ ئەلمانیا ھێرشا تورکیا ل سەر رۆژئاڤایێ کوردستانێ ب داگیرکاری بناڤ کر و دیار کر کو دبیت قەدەغەیا فرۆتنا چەکی ب تورکیا ژ گرێبەستێن کەڤن ژی بگریت.
ھایکۆ ماس، وەزیرێ دەرڤە یێ ئەلمانییا د روونشتنا پەرلەمانێ وەلاتێ خوە دا پرسێن پەرلەمانتارێن ئۆپۆزسیۆنێ بەرسڤ دان و راگەھاند : زێدەباری سستبوونا ھێرشا تورکیا ل سەر باکۆرێ سوورییێ ب ئاوایەکێ مەزن، لێ ھەر ئەو ھێرشە داگیرکاری و بنپێکرنا یاسایێن نێڤدەولەتی یە و وی د داوی سەرەدانا خوە یا تورکیا دا داخواز ژ وی وەلاتی کربوو ھێرشا خوە رابوەستینیت و سوپایێ خوە ژ سوورییێ ڤەبکێشیت.
ھایکۆ ماسی ئاشکەرا ژی کر: ژ بۆ راوەستاندنا ھێرشا تورکیا مە گاڤێن بلەز ھاڤێتن و فرۆتنا چەکی ب تورکیا قەدەغە کر، لێ ئەو قەدەغە یە تنێ گرێبەستێن فرۆتنا چەکی د پاشەرۆژێ دا، ب خوە ڤە ناگریت، بەلکو دێ گرێبەستێن بەری نھا ژی ھاتین ئیمزاکرن ب خوە ڤە گریت و گەر تورکیا ل سەر ھێرشا خوە بەردەوام با، ئەو دا سزایێن ئابۆری ژی ل سەر سەپینن.

بابه‌تێن ب ڤێ مژارێ ڤه‌ گرێدای