گەرێن 8 و 9 یێن سیستەمێ S-400 گەھشتن تورکیا

گەرێن 8 و 9 یێن سیستەمێ S-400 گەھشتن تورکیا

WAAR-دهۆك:

گەرێن 8 و 9 یێن کەلوپەلێن سیستەمێ S-400 یێ رۆسی ئەڤرۆ گەھشتن تورکیا، پشتی د 3 رۆژین بۆری دا 7 گەر گەھشتین.
وەزارەتا بەرگرییا تورکیا د بەیانەکێ دا راگەھاند؛ د چارچووڤێ پرۆسەیا ڤەگوھاستنا کەلوپەلێن سیستەمێ بەرگرییا ئاسمانی S-400 یێ رۆسی دا، ئەڤرۆ فرۆکەیێن 8 و 9 یێن کەلوپەلان ل مەیدانا بنگەھێ مورتەد یێ ئاسمانی دادا.
ل گۆری ئاگاھییێن پەیامنێرێ وار، پشتی گەھشتا ھەموو کەلوپەلان، 80 بسپۆر وئەندازیارێن سەربازی یێن رۆسی دێ مەشق و راھێنانێ لدۆر چاوانییا بکارئیانانا وی سیستەمێ ب 60 بسپۆر و ئەندازیارێن سەربازی یێن تورکیا کەن.
ل 12ی ڤێ مەھێ رۆسیا دەست ب ھنارتن و رادەستکرنا کەلوپەلێن سیستەمێ S-400 بۆ تورکیا کرییە، دوھی ژی گەرێن 5، 6 و 7 گەھشتبوون، ل گۆری گۆتنا بەرپرسێن ئەنقەرە ژی ڤێ مەھێ ئەو سیستەم ب تەمامی دێ گەھیتە تورکیا.

بابه‌تێن ب ڤێ مژارێ ڤه‌ گرێدای