گۆڕان: ل سه‌ر حسابا ئێكه‌تییێ پشكداری حكومه‌تێ نه‌بووینه‌

گۆڕان: ل سه‌ر حسابا ئێكه‌تییێ پشكداری حكومه‌تێ نه‌بووینه‌

WAAR-دهۆك:

ئه‌ندامه‌كێ جڤاتا نشتیمانی یا گۆڕانێ راگه‌هاند؛ شه‌مبیێ دێ به‌ربژارێن خوه‌ یێن وه‌رگرتنا پۆستێن حكومی ئێكلاكه‌ن و پشكدارییا وان یا حكومه‌تێ ل سه‌ر حسابا ئێكه‌تیێ نه‌بوویه‌.
كاروان هاشم، ئه‌ندامێ جڤاتا نشتیمانی یا گۆڕانێ راگه‌هاند؛ رۆژه‌كێ به‌رییا گۆڕان رێككه‌فتنا خوه‌ ل گه‌ل پارتی ئیمزا بكه‌ت، وان داخوازا كۆمبوونه‌كا تایبه‌ت ژ ئێكه‌تیێ كر، دا كو ئێكه‌تی پابه‌ندی ئێك ژ رێككه‌فتنێن به‌رییا نها یێن ل گه‌ل گۆڕانێ ببیت، لێ ئێكه‌تی یا ئاماده‌نه‌بوو و چ كۆمبوونان ل گه‌ل گۆران بكه‌ت، یان ژی پابه‌ندی رێككه‌فتنه‌كێ ببیت.
گۆت ژی: گۆران وه‌كو هێزا سێیێ یا هه‌رێمێ ل گه‌ل هێزا ئێكێ رێككه‌فتییه‌ و وێ رێككه‌فتنێ چ خالێن نهێنی تێدانینن و ل سه‌ر حسابا ئێكه‌تی و چ هێزێن دی ژی نینه‌.
دا زانین ژی: شه‌مبیێ دێ جڤاتا نشتیمانی یا گۆڕانێ كۆمبیت و به‌ربژارێن خوه‌ یێن وه‌رگرتنا پۆستێن حكومی ئێكلاكه‌ت.

بابه‌تێن ب ڤێ مژارێ ڤه‌ گرێدای