گۆڕان: دێ ب هوورى چاڤدێرییا رێككه‌فتنا ل گه‌ل پارتى كه‌ین

گۆڕان: دێ ب هوورى چاڤدێرییا رێككه‌فتنا ل گه‌ل پارتى كه‌ین

WAAR-دهۆك:

جڤاتا نشتیمانى یا ته‌ڤگه‌را گۆڕان ئه‌ڤرۆ كۆم بوو و هه‌لسه‌نگاندنا سه‌د رۆژێن كار و ئه‌دائا حكومه‌تێ كر و راگه‌هاند: دێ ب هوورى چاڤدێرییا رێككه‌فتنا ل گه‌ل پارتى كه‌ن.
برزو مه‌جید، ئه‌ندامێ خانه‌یا راپه‌راندنا گۆڕانێ راگه‌هاند: ئه‌ڤرۆ سپێدێ جڤاتا نشتیمانى یا گۆڕانێ كۆمبوو ‌و گۆتوبێژا هه‌لسه‌نگاندنا سه‌د رۆژێن كار و ئه‌دائا حكومه‌تا نوو كر، هه‌روه‌ها ره‌وشا ئیراقێ و كۆنفرانسێ خوه ‌یێ گشتى گۆتوبێژ كر و د وى چارچووڤه‌یى دا، رێكخه‌رێن هه‌رسێ ژوورێن حكومه‌ت، رۆژنامه‌ڤانى و ده‌ڤه‌رێن كوردستانى یێن گۆڕانێ هاتن هه‌لبژارتن.
گۆت ژى: دێ ب هوورى چاڤدێرییا رێككه‌فتنا ل گه‌ل پارتى كه‌ن، تا كو د نێزیكترین ده‌م دا هه‌موو به‌ندێن وێ دهێنه ‌بجهئینان.
ته‌ڤگه‌را گۆڕان ب چوار وه‌زیر و جێگره‌كێ سه‌رۆكێ هه‌رێمێ پشكدارى حكومه‌تێ یه ‌و بریاره ‌ژى هاریكاره‌كێ سه‌رۆكێ حكومه‌تێ ل گه‌ل شێست و هه‌شت پۆستێن جودا ژ ده‌سته ‌و رێڤه‌به‌رێن گشتى وه‌ربگریت.

بابه‌تێن ب ڤێ مژارێ ڤه‌ گرێدای