گۆڕان ئەڤرۆ دێ بڕیارێ ل سەرکۆمبوونا دگەل پارتی دەت

گۆڕان ئەڤرۆ دێ بڕیارێ ل سەرکۆمبوونا دگەل پارتی دەت

WAAR-دهۆک:

جڤاتا نیشتیمانییا گۆرانێ ئەڤرۆ سپێدێ کۆمبوویە و چاڤەڕێ دھێتە کرن بڕیارێ ل کۆمبوونا د گەل پارتی دیمۆکراتی کوردستان بدەت.
لەمیا رەسوول پەیامنێرا ل سلێمانیێ راگەھاند؛ جڤاتا نیشتیمانییا گۆرانێ ئەڤرۆ ل گردی زەرگەتە کۆمبوویە، ب ئارمانجا پەسەندکرنا پێشنیازێن کۆمبوونا پێنجشەمبا بۆری یا جڤاتا گشتییا تەڤگەڕێ کو تایبەت بوون ب بەرسڤدان و کۆمبوونا دگەل شاندا پارتی لدۆر کار کرنا پەڕلەمانی و ئاساییکرنا پەیوەندییان.
ھەروەسا چاڤەڕێ دھێتە کرن، د کۆمبوونا ئەڤرۆ دا جڤاتا نیشتیمانی بڕیارێ لسەر کۆمبوونا دگەل پارتی بدەت و ھەروەسا ژڤانێ وێ کۆمبوونێ دیار بکەت.
جڤاتا گشتییا گوڕانێ ل رۆژا پێنجشەمبا بۆری کۆمببوو، ل گۆری زانیاریێن وار، گۆتوبێژێن وان ل دۆر کاراکرنا پەرلەمانی، ڕیفڕاندۆم و پێشھوازیکرن ل شاندا پارتی ئەرێنی بوون، ھەروەکو ئەندامەکێ جڤاتێ بۆ وار راگەھاندی.

 

بابه‌تێن ب ڤێ مژارێ ڤه‌ گرێدای