گۆپیتکا ڤلادیمێر پۆتین و کیم جۆنگ ئۆن دەستپێکر

گۆپیتکا ڤلادیمێر پۆتین و کیم جۆنگ ئۆن دەستپێکر

WAAR-دهۆك:

گۆپیتکا سەرۆکێن کۆریا باکۆر و رۆسیا ئەڤرۆ سپێدێ دەستپێکر و پرسا نەھێلانا چەکێ ئەتۆمی ل نیڤگراڤا کۆریا بابەتێ سەرەکی یێ گۆپیتکێ یە.
ڤلادیمێر پۆتین ئەڤرۆ ل ھەرێما فلادی ڤۆستۆک پێشوازی ل کیم جۆنگ ئۆن کر و گۆتوبێژێن وان ل دۆر پەیوەندیێن دوقولی و پرسا نەھێلانا چەکێ ئەتۆمی ل نیڤگراڤا کۆریا، ھەروەھا کێشەیێن دەڤەرێ و پەیوەندیێن پیۆنگ یانگێ و واشنتۆن دەستپێکرینە.
پۆتینی د کۆمبوونێ دا پێشنیاز کر پیۆنگ یانگ پەیوەندیێن خوە د گەل واشنتۆنێ ئاسایی بکەت و باشترین رێک ناڤ کر بۆ ئارامی و سەقامگیریا نیڤگراڤا کۆریا.
کۆمبوونا پۆتین و کیم جۆنگ ئۆن دێ بەرفرەھـ تر ژی دەستپێکەت و شاندێن ھەردو ئالیان دێ پشکدارن و مۆسکۆیێ ھیڤیێن مەزن ژ ڤێ گۆپیتکێ ھەنە.

گۆپیتکا کۆریا باکۆر و رۆسیا بەردەوامە و سەرۆکێ ھەردو وەلاتان ھژمارەکا پرسێن ھەرێمی و نێڤدەولەتی گۆتوبێژ کرن.
ڤلادیمێر پۆتین ئەڤرۆ د چارچووڤێ کۆمبوونا دگەل کیم جۆنگ ئۆن دا ل ھەرێما فلادی ڤۆستۆک گۆت: کیم کەسەکێ سینگ ڤەکریە، ئەڤرۆ وان ب سینگەکێ ڤەکری ھەموو ئەجێندانێن د لیستا کۆمبوونێ دا گۆتوبێژ کرن.
پۆتینی ئاشکرا کو وان د کۆمبوونێ دا پەیوەندیێن دوقولی و پرسا سزایێن نەتەوەیێن ئێکگرتی، ھەروەھا پەیوەندیێن واشنتۆن و پیۆنگ یانگێ و پرسا ھەرە گرنگ یا نەھێلانا چەکێ ئەتۆمی ل نیڤگراڤا کۆریا گۆتوبێژ کرن.

بابه‌تێن ب ڤێ مژارێ ڤه‌ گرێدای