گوھارتنا رەوشا ھەرێمێ و پێنگاڤێن سەرۆکوەزیران

 رێژین نھێلی

سەرەدانا سەرۆک بارزانی ئەوا ل رۆژا پێنجشەمبیا ٢٢ی١١ ی ٢٠١٨ ب ھەڤالبەندیا شاندەکێ سەرکردایەتیا پارتی دیموکراتی کوردستان پێکھاتی و بەرەڤ بەغدا برێکەفتین و ل فرۆکخانەیا نێڤدەولەتیا بەغدا ژلایێ بەرپرسێن عیراقێ پێشوازیەکا باش ژلایێ، محەمەد حەلبووسی سەروکێ پەرلەمانێ عیراقێ و ھادی العامری سەروکێ تەحالوفا فەتح و ژمارەیەک ژ وەزیر و بەرپرسێن سیاسی و ئیداری و ئەمنی یێن عیراقێ . ئەڤ سەرەدانا جەبێ سەرۆک بارزانی؛ پشتی سالەکا تەمام ژ تێکچوونا پەیوەندیێن ھەولێر و بەغدا ھات و پشتی رویدانا ١٦ی ئوکتوبەرا ٢٠١٧ێ ئەوێن ل کەرکووکێ و ھند ناڤچەیان ھاتینە کرن و ژبەر وێ بارودوخێ ھەرێمێ گەلەک تیکچوو و پەیوەندیێن ھەرێم و بەغدا ھاتنە برین و وەکی ئاشکەرا زۆر بەربەست حکومەتا بەغدا ئێخستنە سەر حکومەتا ھەرێما کوردستانێ ژ روویێ بودجە و مووچە و گرتنا رێک و بەندەر و ھێلێن نەفتێ.. لێ سیاسەتا ئاشتیخوازانە یا جەنابێ سەرۆکێ حکومەتا ھەرێما کوردستانێ رێزدار؛ نێچیرڤان بارزانی: شیا ب پێنگاڤێن خوەیێن ھشیارانە و ئاشتیخوازی دان وستاندنەکا تەندروست بکەت و بارودخێ ھەرێمێ راگرت ونەھێلیت بەرەڤ ئاقارەکێ ئالوزتر بچیت و پەیوەندی ئاسایی کرنەڤە و ژلایەکێ دیتر و بەردەوامییا جەنابێ سەرۆک بارزانی پششتی سالەکا تەمام ژ ھەموو وان روویدانێن ژلایێ بەغدا کەفتینە درێکا ھەرێمێ دا ژ نێزیک دگەل بەرپرسێن بەغدا روینشت و وەکی دیار ژی کو دڤێ سەرەدانێ دا عادل عەبدوالمەھدی زۆر پەسنا رۆلێ جەنابێ سەرۆکی دخەبات و شورەشگێریا وی دا کرییە و ھەروەسا ئاماژە ب مێژوویا خەباتا ھەڤبەش یا ھەردو لاکرییە و پەیوەندیێن خوە و سەرۆک بارزانی ژبلی سیاسەتێ وەک پەیوەندیەکا دوست و برایانە وەسفکرییە. پشتی جەنابێ ؛ سەرۆک بارزانی؛ ٢٨ی ١١ی ٢٠١٨ێ ژ سەرەدانێن خوە ڤەگەریایە  باوەشا کوردستانێ، پرێسکونفرانسەک سازکر و تێدا پتر بەحسا سەرەدانا خوەکر ئەوا ژبۆی بەغدا، نەجەف، ئیمارات، کوێت کری و گۆت: مەب وێ سەرەدانێ ڤیایە پتر نیەتپاکیا خوە ژبۆی وان دیاربکەین دیسان ھەلویستێ خوەیێ ئاشتیخوازانە بۆ دوبارەبکەین، چۆنکە بەری نوکە ژی ھەردەم ئەڤە راو بۆچوونێن مە بووینە کو ھەردەم ب دان وستاندن و لێک تێگەیشتن گرفتێن ھەولێرو بەغدا بھێنە چارەکرن. چۆنکە ئەو ئەم نەبووینە بەری نوکە ھەموو رێک گرتین بەلکو بەغدا بوو دەرگەھێ دان و ستاندنێ دائیخست بوون، دیسان لدۆر کۆمبوونێن خوە بەحسکر کو بێی جیاوازی دگەل ھەموو لایەنان کومبوویە دگەل یێن دوست و یێن دخرابترین رەوش دا دوستایەتیا خوە پاراستی و یێن دژایەتیا مە ژی کری. سەرۆک بارزانی گەشبینیا خوە د ڤێ سەرەدانێ دیارکر ھەروەک گۆتی: تارادایەکێ گەشبینم. چۆنکە گەشبینی باشترە ژ رەشبینێ. تشتێ لڤێرێ پتر خەلکێ ھەرێمێ چاڤەرێ ئەوە کا چەند گەرەنتی ژبۆی دوبارەنەبوونا وان سزایێن، بەری نوکە بەغدا خستینە سەر ھەرێمێ دروست نەبنڤە، لێ وەسا دیارە جەنابێ سەرۆک بارزانی: پێشبینیا باشتربوونێ ژ عادل عەبدولمەھدی دکەت. لەورا گۆت: تەسەورناکەم عادل عەبدولمەھدی بریارەکێ بدەت وەک یا وان بیت یێن کو بەری نوکە ل دژی ( کوردستانێ) داین چۆنکە ھەرتشتەکێ وەسا رووی بدەت دێ بیتە دوماھیا ھەموو تشتەکێ. لەوارا ئەڤێ سەرەدانەیا مێژوویی بوویە و دڤێ سەرەدانێ دا و ئەڤ و پێشوازییا ل شاندێ ھەڤالبەند دگەل بارزانی، گومان نیە کو کەربێن گەلەک لایەنا ڤەبووینە ژ وێ رێزا ل جەنابێ سەرۆک بارزانی و شاندێ دگەلدا ھاتییە گرتن چۆنکە ھەرلایەنەکێ بۆچوون و ھزرێن جودا وھەڤدژ دسەریداھەنە و ھەبووینە ژبلی؛ پارتی دیموکراتی کوردستان؛ کو ھەردەم بۆچوونا پارتی ئێک رێزی و رێکخستنا ناڤ مالا کوردی بوویە و دان وستاندن و ئاشتی بوویە ژبۆ وەرگرتن و گەھشتنا مافێن مللەتێ کورد بگشتی و یێن کوردستانێ ب تایبەتی. لێ یاخۆیایە ھەردەما جەنابێ سەرۆک بازرانی؛ خزمەتەکێ بۆ مللەتی دکەت بێی جوداھی ھەموو لایەن پێ سود مەند دبن وھەردەستکەفتەکێ بدەستڤە بھێت ژی دەستکەفتەکە بۆ ھەموو مللەتی. ژبەر ڤێ نیازا پیرۆزا جەنابێ سەرۆک بازرانی ھەمبەر مللەتێ وی ئەو دچاڤێن ھەموو دونیایێ دا مەزن بوویە ھەتا د چاڤێن دوژمنێن خوە ژی دا.

بابه‌تێن ب ڤێ مژارێ ڤه‌ گرێدای