گه‌لى زه‌لامان، ئه‌ڤ ره‌فتاره‌ خانمان ژ هه‌وه‌ دوور دكه‌ن!

گه‌لى زه‌لامان، ئه‌ڤ ره‌فتاره‌ خانمان ژ هه‌وه‌ دوور دكه‌ن!

وار – دهۆک :

هنده‌ك ره‌فتار و كریار لده‌ف زه‌لامان هه‌نه‌ كو دبنه‌ سه‌ده‌ما وێ ئێكێ خانم ژ وان دووردكه‌ڤن و خوه‌ نێزیكى وان نه‌كه‌ن، هه‌ر چه‌نده‌ دبیت زه‌لامان ب خوه‌ ژى هاى ژ ڤێ ئێكێ نه‌بیت كو ئه‌ڤ ره‌فتارێن وان، خانمان ژ وان دووردئێخن، له‌و ژى گه‌له‌ك جاران ب دووركه‌ڤتنا خانمان ژ خوه‌ مه‌نده‌هۆش دبن، ژبه‌ركو سه‌ده‌مێن دووركه‌ڤتنا وان نزانن. د ڤان چه‌ند خاله‌كێن خوارێ دا، ب رۆنى باس ل وان ره‌فتار و كریارێن زه‌لامان هاتینه‌ كرن كو دبنه‌ سه‌ده‌م خانم ژ زه‌لامان دووركه‌ڤن:
1ــ باوه‌رى ب خوه‌بوون: گرنگترین تشت كو پێدڤییه‌ د كه‌سایه‌تییا زه‌لامى دا هه‌بیت داكو هه‌رده‌م لده‌ف هه‌ڤژینا خوه‌ یێ بالكێش بیت، ئه‌و ژى باوه‌رى ب خوه‌بوونه‌، ده‌ما كو ژن بزانیت زه‌لامێ وێ باوه‌رى ب خوه‌ نینه‌، ئه‌و ژنه‌ ب تنێ چاڤه‌ریێیه‌ هه‌ر چو زوو د وێ ژیانا هه‌ڤپشك دا بچیته‌ ده‌ر.
2ــ دره‌وكرن: گه‌لى زه‌لامان گه‌له‌ك پێدڤییه‌ هایدارى ڤێ خالێ بن، ژبه‌ركو ئه‌وا كو گه‌له‌ك خانمان دئێشینیت، دره‌وكرنه‌، هه‌كه‌ر ب تنێ جاره‌كێ زه‌لام دره‌وێ ل ژنا خوه‌ بكه‌ت، ئه‌و دێ باوه‌رییا خوه‌ لده‌ف هه‌ڤژینا خوه‌ ژده‌ستده‌ت.
3ــ گرنگینەدان ب سه‌روبه‌رێ خوه‌: هنده‌ك زه‌لام گرنگیێ ب سه‌روبه‌ر و پاڤژییا خوه‌ ناده‌ن و به‌رده‌وام جل و پێلاڤێن وان پیسن، ب ئاوایه‌كى كو هه‌ڤژینا وى حه‌زنه‌كه‌ت د گه‌ل وى دا بچیته‌ جهه‌كى.
4ــ ئه‌و زه‌لامێ تووڕیه‌ و په‌یڤێن كرێت بكاردئینیت: خانم خودانێن سروشته‌كێ ئارام و نه‌رمن و ئاره‌زۆیێ دكه‌ن ئه‌و كه‌سێن دبنه‌ هه‌ڤژینێن وان، وه‌كو وان ئارام بن و په‌یڤێن كرێت ل همبه‌رى كه‌سێ بكارنه‌ئینن.
5ــ خانم ئاره‌زۆیا ده‌ربازكرنا ژیانێ ناكه‌ت دگه‌ل وى زه‌لامى كو یێ مۆنه‌، مه‌ره‌م ژ ڤێ ئێكێ ئه‌و نینه‌ كو زه‌لام هه‌رده‌م تشتێن گران بۆ خانما خوه‌ بكڕیت، لێ ئه‌وا گرنگه‌ خانما وى ل هه‌لكه‌ڤت و بیره‌وه‌رییان دا ل بیرا وى نه‌چیت.

بابه‌تێن ب ڤێ مژارێ ڤه‌ گرێدای