گرێیا ئێکەتیێ سەبارەت کابینەیا نوی خزمەتکرنا خەلکی نینە

گرێیا ئێکەتیێ سەبارەت کابینەیا نوی خزمەتکرنا خەلکی نینە
سەربەست خالد کۆچەر
پارتی پشتی وێ خیانەتا مەزنا ۱٦ی ئوکتۆبەرێ د دیرۆکا گەلێ کوردا و ژلایێ بالەکێ ئێکەتی و وان روودانان پەیوەندی دگەل ئێکەتی نەبری و نهادا ژی هەر ناکەت، وەکو یا ئاشکەرا ئێکەتی باش دزانیت پارتی ٤٥ کورسی دەستڤەئیناینە د هەلبژارتنێن پەرلەمانێ کوردستانێ ل ۳٠ی ئیلونا ۲٠۱۸ بەلێ ئەو مەرجا ب سەر پارتی د سەپینیت و هێزا خۆ یا لەشکەری دیار دکەت و دخازیت بگەهیتە هێز و پێگەهێ پارتی بەلێ پارتی چ جاران رێکێ نادەت ئەزموونا کوردستانێ و دەستکەفتێن خەلکێ وێ تێك بچیت، دیسان ماوەیەکە بەشەک ژ سەرکردێن ئێکەتی ب ئاشکەرا لسەر میدیایێ بەحس ل هندێ دکەن کو هەرێما کوردستانێ بکەتە دوو ئیدارەی و ئەفە بۆچوونا زۆر بەیا سەرکردێن ئێکەتی یە هەڤدەم وەکو گەڤ ژی لدژی پارتی بکاردئینن،سەر ئەنجام دیسان ڤەگەریان سەر مێزا دانوستاندنێ دگەل پارتی،وەکو یا دیار بژاردەیا پارتی لسەر پێکئینانا حکومەتا نوی ئەو بوو دگەل ئێکەتی پاشان دگەل بزاڤا گوران رێك بکەفیت بەلێ ئێکەتی نەهاتە پێش ئەفجا پارتی ل ۱۸ی شوباتێ ب دوو پاكێجا رێککەفتن دگەل گوران ئیمزاکر، گرێیا بەردەم رێکنەکەفتنا ئێکەتی دگەل پارتی یا دیارە لسەر پاراستنا کوردستانێ نینە ب هیچ شێوەیەکێ هەروەسا لسەر خوشگوزەرانیا ژیانا خەلکی ژی نینە و پێشڤەبرنا ئەزموونا کوردستانێ، یا دروست لسەر پوستێن ناڤا حکومەتێ دایە. رێزدار نێچیرڤان بارزانی دهەڤپەیڤینەکێ دا دگەل (ئەلمونیتەر) ب راستی خالەکا گرنگ و ئاشکەرا بەحس کر و گووت ئێکەتی چەند گرۆپەکن و دڤێت دگەل هەمیان رێک بکەفن و پتریا سەرکردێن ناڤا ئێکەتی ئاگەهداری پوست و پشکا ئێکەتی نینن و ئەڤە ددەمەکێ دا پێشتر چەندین کومبوون هاتینە کرن و بەحسا پشکا ئێکەتی هاتی یە کرن ئانکو وەلێ هاتی یە دڤێت پارتی دەرگەهێ ئێك ب ئێکێ ئەندامێن سەرکردایەتی و دەستهەلاتدارێن ئێکەتی بدەت و بەحسا پشکا ئێکەتی بکەت داکو هەمی پێ ئاگەهدار بن و چ کێشە لبەردەم هەردوو ئالیان دروست نەبیت، نوکە دا ژی ئێکەتی داخازا پوستێ جێگرێ سەرۆکێ هەرێما کوردستانێ ژ پارتی دکەت کو دەمەك نێزیك دا بەرێز نێچیرڤان بارزانی وەکو سەرۆکێ نویێ هەرێمێ باوەری ژ پەرلەمانێ کوردستانێ بدەستڤەئینیت پارتی ژی ب ئێکەتی گووتی یە ئەم رازی نە دەربارەی ڤی پوستی گفتوگویێ بکەن لێ ئەف پوستە مافێ گورانە و رەتکریە سەروکێ هەرێمێ دوو جێگر هەبن. سەبارەت پۆستێ سەرۆکێ هەرێما کوردستانێ ئێکەتی دبێژیت ئەگەر دگەل پارتی نەگەهینە رێککەفتنێ بەژدار نابین د راستفەکرنا یاسایا سەرۆکاتیا هەرێما کوردستانێ و هەلبژارتنا سەرۆکێ نوی یێ هەرێمێ کو بەرێز نێچیرڤان بارزانی یە، پۆستەکێ دی ئێکەتی پێ باشە بەشەك ژ کێشێن نافخۆیا وێ پێ چارەسەر دێ بن وەزارەتا نافخۆیە کو دڤێت پارتی بدەتە ئێکەتی تاکو کێشەیێن دنافبەرا بالێن ئێکەتی چارەسەر بیت.ئەو سیاسەتا ئێکەتی باس دکەت لهەمبەری پێكئینانا کابینەیا نوی یا حکومەتێ دچوارچوڤێ خزمەتکرنا خەلکێ کوردستانێ دا نینە بەلکو د بەرژەوەندیا پلە و پوستێن ئێکەتی دایە و دەما بەحس ل خزمەتگوزاری و باشترکرنا رەوشا ژیانا خەلکی دکەت لێ تەمامەن بەرۆڤاژی ڤێ پرۆسێ یە و ئەو یەکە ژ بۆ خەلکی دیار دبیت کو ئێکەتیێ جهێ بریار دانێ نەمایە و بەشەک ژ سەرکردێن ئێکەتی نەفێن رێککەفتنێ دگەل پارتی بکەن و هەول دهێتەدان پێك ئینانا حکومەتێ گیروبیت و ئاریشەیێن یاسایێ دروست بکەن یان دبەرژەوەندیا کوردان دا نەبیت، لێ بۆ خەلکی خویا بوو کو تاکە هێزا سیاسی ل ڤی وەلاتی بشێت خزمەتا خەلکێ کوردستانێ بکەت و بەرەڤانی ژ دەستکەفت و مافێن رەوا و باشترکرنا ژین و ژیارا خەلکی و پێشڤەبرنا ئەزموونا گەلێ مە و دەستخستنا ژیانەکا ژ هەژی تر،تنێ پارتی یە. نموونەژی ل ماوێ بوری پارتی تنێ بەرپرسیارەتی هەلگرت و دەست نەداهێلان تاکو سەرۆك وەزیران قەیران و نەمانا پاشکەفتی نەهێلای،هەلبەت نێچیرڤان بارزانی جێگرێ سەرۆکێ پارتی دیموکراتی کوردستان ژ بۆ گەهشتن و نێزیکرنا پارتی و ئێکەتی رۆلەکێ کاریگەر د گورەپانا سیاسی و رێککەفتنا هەردوو ئالیان دا دیتی یە و گووتی یە ل رۆژانێن سەخت دا و بۆ پاراستنا دەستکەفتێن کوردستانێ د ئێك سەنگەر دا مە ب هەڤرا کوردستان پاراستی یە و دڤێت ئەڤرۆ ژی ئەو هێزە بین بۆ پاراستنا کوردستانێ ژ دۆژمن و نەحەزان و پێکڤە کاربکەین و چارەسەریا پرسێن جودا جودا بکەن داکو ل داهاتی حکومەت و ئیدارەیا هەرێما کوردستانێ ب شێوەیەکێ هەڤپشك و بێ کێشە بهێتە برێڤەبرن.

بابه‌تێن ب ڤێ مژارێ ڤه‌ گرێدای