گرۆپەکێ حەشدا شه‌عبی فەرمانەکا عەبدولمەھدی رەد کر

گرۆپەکێ حەشدا شه‌عبی فەرمانەکا عەبدولمەھدی رەد کر

WAAR-دهۆك:

گرۆپەکا حەشدا شەعبی فەرمانەکا سەرۆکوەزیرێ ئیراقێ یا گرێدایی تەڤلیبوونا وێ ب سوپایێ ئیراقێ ڤە رەد کر.
میلیشیایێن نوجەبا یا گرێدایی حەشدا شەعبی، رەد کر خوە ب ھەلوەشینیت و بچیت دناڤ سوپایێ ئیراقێ دا و دیارکر: ئەو کارە ل دژی بەرقراربوونا ئاساییش و بەرژەوەندیێن ئیراقێ یە.
ل دەستپێکا ڤێ مەھێ عادل عەبدولمەھدی سەرۆکوەزیرێ ئیراقێ و فەرماندارێ گشتی یێ ھێزێن چەکدار ل ئیراقێ، بریار دا ھەموو ھێزێن سەر ب حەشدا شەعبی ڤە بچن د ناڤ سوپایێ ئیراقێ دا و ھەموو بارەگایێن و زالگەھێن وێ بھێت لادان.
پشتی چەندین دەڤەرێن ئیراقێ ژ ئالیێ تیرۆرستێن داعشێ ڤە ھاتینە داگیرکرن، ئایەتوللا عەلی سیستانی لێڤەگەرێ بلند شیعەیان ل ئیراقێ فەتوایەک دەرکر، ل دووڤ وێ پتری شێست گرۆپێن میلیشیایان ل ژێر ناڤێ حەشدا شەعبی دروست بوون.

بابه‌تێن ب ڤێ مژارێ ڤه‌ گرێدای