گرۆپه‌كا حه‌شدا شه‌عبی: ژ ئه‌مریكا ناترسین

گرۆپه‌كا حه‌شدا شه‌عبی: ژ ئه‌مریكا ناترسین

WAAR-دهۆك:

ته‌ڤگه‌را نوجه‌با كو گرۆپه‌كا حه‌شدا شه‌عبی یه‌، به‌رسڤا وه‌زیرێ ده‌رڤه‌ یێ ئه‌مریكا دا و راگه‌هاند: ئه‌و نه‌ ژ ئه‌مریكا و نه‌ ژ هێزا وێ ناترسن.
ئه‌بو وارس موسه‌وی، په‌یڤدارێ نوجه‌با گۆت: ئه‌و ژ ئه‌مریكا و ژ ترامپی و هێزێن وی ناترسن و رێناده‌ن ژی ئیراقێ بكه‌نه‌ شانوویه‌كا ئالۆزیان، داخویایێن پۆمپیۆیی ده‌ستوه‌ردانه‌كا ئاشكه‌رانه‌ د كاروبارێن ئیراقێ دا.
گۆت ژی: پێدڤییه‌ ئه‌مریكا بزانیت كو ئیراق نه‌سعوودیه‌یه‌ تا ب سانه‌هی بشێت پیلانگیرییان ل سه‌ر ب سه‌پینیت و لدووڤ دلێ خوه‌ سه‌ره‌ده‌ریێ دگه‌ل بكه‌ت.
وی سه‌ركرده‌یێ حه‌شدێ دووپات ژی كر: ئه‌گه‌ر ئه‌مریكا هه‌ر گرۆپه‌كا حه‌شدێ ل ئیراقێ بكه‌ته‌ ئارمانج یان هه‌ڤركیان دروست بكه‌ت، ته‌ڤگه‌را وان ده‌ستان ناداهێلیت و دێ ب دژواری به‌رسڤا ئه‌مریكا ده‌ن، ژ به‌ركو ئه‌و رێناده‌ن سه‌روه‌رییا ئیراقێ بكه‌ڤیته‌ بن پێیان.
ئه‌ڤه‌ د ده‌مه‌كی دایه‌ كو مایك پۆمپیۆ وه‌زیرێ ده‌رڤه‌ یێ ئه‌مریكا دوهـ راگه‌هاندبوو كو ئه‌مریكا پیدڤییه‌ به‌رهنگارییا ره‌فتارێن شه‌رخوازیێن ئیرانێ بده‌ت داكو گرۆپێن سه‌ر ب وێ ڤه‌ ل یه‌مه‌نه‌ و ئیراق و سووریا و لوبنانێ بهێنه‌ ژناڤبرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.