گرنگى نه‌دان ب دەرمانێن فشارا خوونێ خه‌ته‌ره بۆ دلی

گرنگى نه‌دان ب دەرمانێن فشارا خوونێ خه‌ته‌ره بۆ دلی

وار – دهوك :

د ئەنجامێن ڤەکۆلینەکا نوو دا ئەوا کو ل وەلاتێ ئیتالیا ھاتییە ئەنجامدان دیارکرییە کو ئەو نەخوەشێن دناڵن ژ نەخوەشییا فشارا خوونێ و دەرمانێن خوە دروست ناخۆن؛ دەلیڤەیەکا پتر ھەیە کو بھێنە ڤەگۆھاستن بۆ نەخوەشخانەیان ژ ئەنجامێ تووشبوونا وان ب جەلتە و تێکچوونێن دلی ژ وان نەخوەشان یێن کو دەرامانێن فشارا خوونێ ب رەنگەکێ رێکوپێک دخۆن.
ڤەکۆلەران دیارکر کو ئەنجامێن ڤەکۆلینێن پێشتر لدۆر بابەتێ فشارا خوونێ یێن گەھشتینە وێ ئەنجامێ کو وەرگرتنا چارەیێ فشارا خوونێ ب رەنگەکێ رۆژانە دبیتە ئاستەنگ بەرامبەری ئاریشەیێن دلی، لێ چ ئەنجامێن دروست نەبوون سەبارەت وان کەسان یێن کو دەرمانێ فشارا خوونێ ب رەنگەکێ رێکوپێک نا وەرگرن.
د ڤێ ڤەکۆلینێدا، ڤەکۆلەران دووڤچوون لدۆر چوار ھزار نەخوەشان کریە یێن کو دەرمانێن فشارا خوونێ وەردگرن ل دەڤەرا “لومباردیا” یا ئیتالی ل سالا 2005 و بۆ ھەیاما شەش ساڵ و نیڤان.
د بەراوردییەکێ دا دگەل وان کەسان یێن کو دروست و رۆژانە دەرمانێن خوە یێن فشارا خوونێ ناوەرگرن ب رێژەیا 26% ھەتا 50 %، رێژەیا تووشبوونا وان ب جەلتەیێن دلی ب 17 % پتر بوو ژ وان کەسان یێن کو دەرمانێن خوە ب رەنگەکێ رۆژانە و دروست وەردگرن، و ئەڤ رێژەیە پتر بوو لدەف ووان کەسان یێن کو ب رێژەیا 75 % گرنگی نە ددانە وەرگرتنا دەرمانان و رێژە گەھشتبوو 34 %.
نۆشدار د وێ باوەرێدا نە کو ئە ئەنجامە مینا پەیامەکێ یە کو راددەیێ گرنگییا دەرمانێن فشارا خوونێ دیاردکەت لدووڤ راپۆرتا نۆشداری بۆ کونترۆلکرنا فشارا خوونێ.
رێکخراوا ساخلەمییا جیهانى WHO دبێژیت کو ئێک ژ سێ کەسێن پێگەھشتی ل جیهانى خوەدان نەخوەشییا فشارا خوونێیە، کو نزیکی 9 ملیون کەس سالانە ژیانا خوە ژدەست ددەن ژ ئەنجامێ نەخوەشییێ.
گەلەک کێم نەخوەش ھەنە ھەست دکەن ب ھەبوونا فشارا خوونێ یا بەرز لدەف خوە ژبەرکو چ نیشانێنن دیار نینن بۆ نەخوەشییا فشارا خوونێ ھەتا کو پشتی دەستنیشانکرنا نەخوەشییێ ژی، ھەر ژبەر ڤی یەکێیە کو نەخوەش گەلەک گرنگییێ ب دەرمانێن فشارا خوونێ ناکەن ژبەرکو چ نیشان دیارنابن و دیسان چ نیشان بەرزە نابن.
د ڤێ خواندنا نوو دا، گەلەک نەخوەش بخوەڤە گرت بوون کو ژییێ وان ل دەوری 67 ساڵییێ بوون و رێژەیا 54 % ژ وان ژ تۆخیبا نێر بوون. ب رەنگەکێ گشتی؛ 622 کەس ژ وان ھاتنە ڤەگوھاستن بۆ نەخوەشخانەیان ژ ئەگەرێ کاودانێن دلی ھمبەری 3110 نەخوەشان کو نەھاتینە ڤەگوھاستن بۆ ھەمان ئەگەر.
ڤەکۆلەر “ماری تێرێزا براون” ژ کولیژا “راش” یا پزیشکی ل ویلایەتا “شیکاغو” یا کو پشکداری د ڤەکۆلینێ دا نە کری، گوت کو گەلەک ئەگەر یێن ھەین نەخوەشی ژ پێگیریکرنا وەرگرتنا دەرمانان دوور د ئێخیت ژ وان ژی گرانییا دەرمانان، نە وەرگرتنا مافێ چاڤدێرییا ساخلەمی ب ئاسانی، و ژبیرچوون یا کو نۆشدار باوەردکەن کو ئەگەرێ سەرەکییە بۆ دروست نە وەرگرتنا دەرمانێن فشارا خوونێ.
ناڤبری زێدەباری دا ئاخفتنا خوە و گۆتی: بەھراپتر ژ ئەگەران ژی چەندینەیی بوون ژبەرکو پتر ژ ئەگەرەکی لدەف نەخوەشان ھەبوون کو دبوونە پاڵپشت بۆ نە وەرگرتنا دەرمانێن خوە یێن فشارا خوونێ.

 
ژ ماڵپەرێ
العربیة

بابه‌تێن ب ڤێ مژارێ ڤه‌ گرێدای