گراهام: ئه‌مریكا دێ ئه‌سمانێ ده‌ڤه‌را ئارام پارێزیت

گراهام: ئه‌مریكا دێ ئه‌سمانێ ده‌ڤه‌را ئارام پارێزیت

WAAR-دهۆك:

سیناتۆرێ ئه‌مریكی لیندزی گراهام ئاماژه‌ دا پێشڤه‌چوونێن رۆژئاڤایێ كوردستانێ و راگه‌هاند، گه‌شبینیا وی بۆ چاره‌یەكا دیرۆكی ل سووریێ زێده ‌بوویه‌.
گراهامی بۆ تێله‌ڤزیۆنا فۆكس نیوز یا ئه‌مریكی گۆت: پشتی ئه‌و شڤێدی ل گه‌ل سه‌رۆك دۆنالد ترامپ ئاخفتی بۆچوونا وی ل دۆر ره‌وشا باكۆرێ سووریێ هاتیه‌ گوهۆرین و گه‌شبینیا وی بۆ چاره‌یەكا دیرۆكی ل سووریێ زێده‌بوویه و ئه‌مریكا دێ ئه‌سمانێ ده‌ڤه‌را ئارام ل باكۆرێ سووریێ پارێزێت ‌.
گراهامی سووچا هێرشێ بۆ ئه‌ردۆغانی ڤه‌گه‌راند و گۆت: ئارمانجا ترامپی ژ بریارێن سووریێ ئه‌وه‌ كو زۆنه‌كا نه‌سه‌ربازی ل باكۆرێ سووریێ هه‌بیت و هێزێن نێڤده‌وله‌تی لێ هه‌بن و چ ئه‌مریكی لێ نه‌بن لێ هێزا ئه‌سمانی بۆ دابین بكه‌ت.
هه‌روه‌ها گۆت ژی: ئه‌مریكا دێ به‌رده‌وامیێ ده‌ته‌ هه‌ڤكاریێ ل گه‌ل كوردان بۆ گه‌ره‌نتیكرنا وێ یه‌كێ كو داعش سه‌رهه‌لنه‌ده‌ته‌ ڤه‌، هه‌روه‌ها ئه‌مریكا ناهێلیت په‌ترۆلا وێ ده‌ڤه‌رێ بكه‌ڤیته‌ ده‌ستێ ئیرانێ به‌لكو دێ كورد وه‌به‌رهێنانێ ب سیسته‌مێن سه‌رده‌م تێدا كه‌ن.
به‌ری نها گراهامی بریارێن ترامپی ل دۆر ڤه‌كێشانا هێزێن ئه‌مریكی و رێپێدانا ب هێرشا توركیا ره‌خنه‌ كربوون.

بابه‌تێن ب ڤێ مژارێ ڤه‌ گرێدای