کەنداڤێ عومانێ.. مینێن دەریایی 2 کەشتی سۆتن

WAAR-دهۆك:

مینێن دەریایی ب 2 کەشتیێن ڤەگوهاستنا پەترۆل و کانزایان ڤە پەقین و ئیرانێ 44 دەریاڤان رزگار کرن.
ئەسۆشیەیتد پرێس راگەهاند، ئەڤرۆ دو کەشتیێن ڤەگوهاستنا پەترۆل و کانزایان ل کەنداڤێ عومان بوونە ئارمانجا مینێن دەریایی، ئێک ژ کەشتییان ئالایێ پەنەما ل سەر بوو و یا دی ئالایێ مارشال ئایلەندس و ئاگر بەربوویە کەشتییان.
ئاژانسا ئێرنا یا ئیرانی ل گۆری ژێدەرەکی کو نەخواستییە ناڤێ خو ئاشکرا بکەت، راگەهاند، ئێک ژ کەشتییان بنئاڤ بوو و تیمێن هەوارهاتنێ یێن ئیرانی، 44 دەریاڤان رزگار کرن و هەموو بۆ بەندەرێ جاسک یێ ئیرانی ڤەگوهاستینە.
ئێرنا دا زانین ژی، کەشتییا بنئاڤ بووی، یا پەنەما بوو، 23ێ کەس ل سەر بوون و 21 کەس ل سەر کەشتییا دویێ بوون و هەموو هاتینە رزگارکرن.

بابه‌تێن ب ڤێ مژارێ ڤه‌ گرێدای