کەمالڤەندی: ئیرانێ 1044 ئامیرێن پیتاندنا یۆرانیۆمی داینە کاری

کەمالڤەندی: ئیرانێ 1044 ئامیرێن پیتاندنا یۆرانیۆمی داینە کاری

WAAR-دهۆك:

ئاژانسا وزەیا ئیرانێ راگەھاند؛ ھزار و چل و چار ئامیرێن تایبەتمەند یێن پیتاندنێ د بنگەھێ فۆردۆ یێ ئەتۆمی دا کەفتینە کاری.
بەھرۆز کەمالوەندی، پەیڤدارێ ئاژانسا وزەیا ئیرانێ ئەڤرۆ راگەھاند؛ ئه‌وان د چارچووڤه‌یا قوناغا چارێ یا کێمکرنا پێگریێن رێککەفتنا ئەتۆمی دا، ھزار و چل و چار ئامیرێن تایبەتمەند یێن پیتاندنێ د بنگەھێ فۆردۆ یێ ئەتۆمی دا داینە کاری و ئاستا پیتاندنا یۆرانیۆمی گەھشتییە چار پۆینت پێنج ژ سەدێ.
ھەروەھا گۆت: دو تەنێن غازا “یۆ ئێف شەش” بۆ بنگەھێ فۆردۆ یێ بن ئەرد ھاتینە ھنارتن و تێکەلی ئامیرێن پیتاندنێ بووینە و دوپات کر کو ئەو پرۆسە د بن چاڤدێرییا ئاژانسا وزه‌یا نێڤدەولەتی دا ھاتینە کرن و سوبە دێ نوونەرێن ئاژانسا نێڤدەولەتی ڤەکۆلینان کەن.
کەمالۆەندی سوپاسیا رۆسیا ژی کر کو د ڤێ قوناغا پیتاندنا یۆرانیۆمی دا ھەڤکارییا ئیرانێ دکه‌ت.

بابه‌تێن ب ڤێ مژارێ ڤه‌ گرێدای