کەرەمەللائۆغلو: پاسپۆرتا من ب سووچا تیرۆرێ ھاتییە ھەلوەشاندن

کەرەمەللائۆغلو: پاسپۆرتا من ب سووچا تیرۆرێ ھاتییە ھەلوەشاندن

WAAR-دهۆك:

سکرتێرێ پارتییا سەعادەت یا ئیسلامی دیار کر کو نووکرنا پاسپۆرتا وی ب سووچا ھەبوونا پەیوەندییان د گەل تیرۆرستان دا ھاتییە رەتکرن.
تەمەل کەرەمەللائۆغلو، سکرتێرێ پارتییا سەعادەت یا ئیسلامی د داخویانییەکا تەلەڤزیۆنی دا راگەھاند: بەری ھەلبژارتنێن سەرۆکاتییێن کۆمار و پەرلەمانی، وی ب مەبەستا نووکرنا پاسپۆرتا خوە سەرەدانا رێڤەبەرییا تۆمارا سڤیل کرییە، لێ ئالییێن پەیوەندیدار نووکرنا پاسپۆرتا وی رەت کرییە.
کەرەمەللائۆغلویی گۆت ژی؛ بەھانەیا دەستھەلاتێ بۆ ھەلوەشاندنا پاسپۆرتا وی و نوونەکرنا وێ، ھەبوونا ناڤێ وی یە د لیستا کەسێن پەیوەندی د گەل تیرۆرستان و ئالییێن تیرۆرستی دا ھەین.
پارتییا سەعادەت بەردەوامی و درێژکرنا پارتییا رەفاھـ یا بابێ ئیسلاما سیاسی یا تورکی، نەجمەددین ئەربەکانی یە کو پارتییا داد و گەشەپێدانێ، ئاکەپە ب خوە ژی ژ وێ پارتییێ جودا بوویە و تەڤلی خەباتا سیاسی ل تورکیا بوویە.

بابه‌تێن ب ڤێ مژارێ ڤه‌ گرێدای