کەجەکە: بژاردەیا ئێکانە خوەڤەکێشانا تورکیا یە

کەجەکە: بژاردەیا ئێکانە خوەڤەکێشانا تورکیا یە

WAAR-دهۆك:

کەجەکێ د بەیانەکێ دا دیار کر بژاردەیا ئێکانە ل رۆژئاڤایێ کوردستانێ خوەڤەکێشانا تورکیا و ژناڤبرنا پلانا ئەردۆگان و ترامپی یە.
کۆما جڤاکێن کوردستانێ، کەجەکێ د بەیانەکێ دا راگەھاند: پشتی فاشیزما تورکیا د سیاسەتێن قڕکرنا گەلێ کورد دا ب رێیا نوسرە و داعشێ سەرنەکەفتی، ئەو ب خوە ب سوپایێ خوە ھات، لێ بەرخوەدانا گەلێ کورد یا ھەموو ھێز و ئالی و پارچەیێن کوردستانێ، ھەموو گەل و وەلات و ھێزێن سیاسی یێن دنیایێ ژی ئینان بەرەیێ کوردان، ب ئاوایەکی کو چ تەڤگەرێن بەرخوەدێر د 100 سالێن بووری دا ھند پشتەڤانی بدەست نەخستییە و تورکیا ژی ب درێژییا دیرۆکێ ب ڤی ئاوایی راستی گۆشەگیرییێ نەبوویە کو بوو سەدەم پیلانا ئەردۆگان و ترامپی شکەستن ئینا.
کەجەکێ ھەروەسا گۆت: پێدڤییە ئاگربەست نەبیت سەدەما جھگیرکرنا داگیرکارییێ، بەلکو ببیت فاکتەرێ دەرکەفتنا ھێزا داگیرکەر، ژ بەر کو بەرخوەدێر و ھێز و گەلێن پشتەڤان یێن جیھانی، ژ بلی خوەڤەکێشانا ھێزا داگیرکەر، چ ھەلبژاردەیێن دی قەبوول ناکەن.
کۆما جڤاکێن کوردستانێ ئاماژە ژی دا؛ ژ بلی بەندا ئاگربەستێ، ھەمی بەندێن دی یێن رێککەفتنێ مژەوی و نەشەرعی نە ژ ئالییێ سیاسی و ئەخلاقی ڤە و تورکیا پشتی وێ ژی ھێرشێن خوە نەراوەستاندینە، لەورا ئەڤە نیشانە کو ئاگربەست تنێ ژ بۆ رزگارکرنا ئەردۆگان و ترامپی یە و تنێ دێ وێ دەمێ ھێت قەبوولکرن، دەما ببیت دەرفەت بۆ خوەڤەکێشانا ھێزێن تورکیا.

بابه‌تێن ب ڤێ مژارێ ڤه‌ گرێدای