کێ دەرگەھێن گرتی ل ھەرێمێ ڤەکرن؟

کێ دەرگەھێن گرتی ل ھەرێمێ ڤەکرن؟

زێرەڤان تەمو

پشتی سەرکەفتنا دیروکی یا ریفراندۆما ھەرێما کوردستانێ و دژایەتیکرنا ڤێ پرسێ ژبال حکومەتا ناڤەندی کو دیار بوو ڤێ گاڤێ ھێرش و دروپێج و سزا لدیف خۆ ئینان، و ژ ھەمی ئالییەکی ڤە ھەرێم توشی گرفتان بوو ، لێ پارتی دیموکراتی کوردستان کاری دەڤەرێ ژ ھێرشێن سەربازی و سیاسی و ئابۆری ب پارێزیت.
ھەول ئەو بوون ھەرێما کوردستانێ ب تەمامی ژ بال حەشدا شەعبی و حکومەتا ناڤەندی بھێتە داگیرکرن و نەخشەکێ دارشتی ھاتبوو پێک ئینان ب ھاریکاریا تاخمەکێ دیارێ ھێزەکا سیاسی یا ھەرێمێ و دڤیا ب چاڤشۆریا خاکفروشیێ ل ١٦ ێ ئوکتوبەرێ کوردستان بھێتە داگیرکرن و دوماھی ب قەوارێ وێ یێ سیاسی بێت، لێ ئەو خەون ھاتنە بن ئاخکرن ب بەرنامە رێژیەکا توکمە و دارێشتی ژبال سەروکێ پێشمەرگە و ب زەند و باسکێن پێشمەرگێن قارەمانێن کوردستانێ و ب خوینا گەشا پیروزا شەھیدێن خۆ کرییە گوری ئاخا پیروزا کوردستانێ، ھەروەھا قارەمانیا ل داستانێن پردێ و سحێلا و زومارێ ھاتییە تومارکرن ژبال پارێزەرێن کوردستانێ ئەو ژی گاڤەک بوو کو حکومەتا ناڤەندی و حەشد پێداچوونێ ل سیاسەتا چەوتا خۆدا بکەن.
سەرباری ڤێ ئێکێ و د دەمەکێ پیڤانەیی دا ژی ب رێبەریا رێزدار نێچیرڤان بارزانی سەروکێ حکومەتا ھەرێما کوردستانێ شیا ھەڤکێشا دژی کوردستانێ ب قازانجا کوردستانێ ڤاژی بکەت ھەروەھا دۆرپێچ و سزایان ھەلوەشینیت و ب دیبلوماسیەت و حیکمەتا سیاسی پێگەە و ئیعتبارێ ل دەڤەرێ و جیھانێ بۆ کوردستانێ ڤەگەرینیت .
میناک ژی کو دوان کارڤەدانێن سەخت دا ل رێکەفتی ٢ / ١٢ / ٢٠١٧ رێزدار نێچیرڤان بارزانی سەروک وەزیرێن ھەرێما کوردستانێ ل کوچکا ئیلیزێ و ژ ئالیێ سەروک ماکرونی ڤە ھات پێشوازیکرن، ئەڤ چەندەی ژی ژبۆ پەیوەندیێن بھێز یێن دیبلوماسی ژبال بارزانی دگەل کەساتیێن جیھانێ تێ ل قەلەمدان، دوی دەمی دا بارزانی و ئیمانوێل سەروکێ فرەنسا رەوشا ھەرێما کوردستانێ و پەیوەندیێن ھەرێم و بەغدایێ گوتوبێژکرن، و پەیوەندی ژی ئەو بوون ژبۆ چارەسەرکرنا پرسگریکان .
گاڤێن بەردەوامێن نێچیرڤان بارزانی سەروک وەزیرێن ھەرێمێ یێن دیالوکێ و دانوستاندنێ دناڤبەرا حکومەتا ھەرێما کوردستانێ و حکومەتا ناڤەندی یا عیراقێ ژ پێخەمەت چارەسەرکرن و داکۆکیکرن ل مافێن سیاسی و ئابووری و کارگێری یێن ھەرێمێ ڤان گاڤان خوشبەختانە ھەمی دەرگەھێن گرتی ژ روویێ ھەرێما کوردستانێ ڤەکرن و کاری تێکەلیێن کوردستانێ لگەل جیھانێ گرێدەتەڤە و ھاتە سەلماندن ژی ژبۆ ھەمی ئالییەکێ ناڤخوو ودەرڤە کو دەنگ و سەنگ و گرانیا کوردان ل بەغدا دھەڤکێشێن ھەرێمی و نێڤدەولەتی دا چەندە ، دیارە ژی د نھادا نێچیرڤان بارزانی بوویە رووگەھا دیبلوماتکارێن ولاتێن جیھانێ و پەیوەندیێن دیلۆماسی و ئابۆری یێن ھەرێمێ ل گەل ھەڤسوویان و وەلاتێن جیھانێ پتر پێشڤەچوونێ ژ ئاستێ جاران بخۆڤە دبینیت و ئەڤ ئێک ژی ل سەر بنەمایێ رێزگرتنا سەروەریا ئێکدو و ل بەرچاڤگرتنا بەرژەوەندیێن ھەڤپشکە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.