کی د خەما دهۆکێ دایە؟

کی د خەما دهۆکێ دایە؟

بارزان سلێمان مزووری

ئەڤە د دەمەکی دایە ئێک لدوڤ ئێک ئیدارا پارێزگەھا دھۆک بریارێن جودا دگەل پارێزگەھێن دی بەرامبەری خەلکێ پارێزگەھێ دەن ئەو بریارێن دھێن جێ بە جێ کرن ل سەر خەلکێ ھەژار دژی وان دھێن سەپاندن خەلکێ مە ھەر یێ بێدەنگ و رازی بۆ ژبەر وێ قەیرانا دارای و شەرێ ھەرمەزن یێ رێکخراوا تیرۆرستی یا داعش سەر ب ھەرێما کوردستانێ دا ھاتی وێ ژمارا ھەرە مەزن یا ئاواران و پەنابەرا ل پارێزگەھا دھۆک بنەجە بوین بەلێ ئەو شەر و قەیران ب دوماھیک ھاتن بەلێ بریارێ دژی ڤی خەلکی دوماھیک نەھاتن ھەر د بەردەوام بوون دەست پێک گرانکرنا بھایێ بەنزینێ بھایەکێ گرانتری ھەموو پارێزگەھێن ھەرێما کوردستانێ دیسان گیرۆ دگەل پارێزگەھێن دی بەھرا وەلاتیان یا گازا سپی ھات دان و جودا دگەل قوتابیێن پارێزگەھێن دی رێژا نمرێن وان ل زانکۆیا کێمتر ھاتن وەرگرتن نە لدووڤ نمرێن وان ھاتن وەرگرتن ل کۆلیژ و پەیمانگەھا خەلکێ مە یێ ھەژار ھەر بێدەنگی ھەلبژارت، بەلێ ئیدارا پارێزگەھا دھۆک ھەر لدووڤ رەفتارێن خۆ بوو ژبۆ دەرئێخستنا بریارێن جودا دگەل پارێزگەھێن دی بھایێ کارەبا موالیدێ ژ ھەموو پارێزگەھێن دی گرانتر لێ ھات کرن ھەتا نھا ژی گھورین د گرانکرنێ دا دھێن کرن دیسان بەھرا کارەبا گشتی کێمتری ھەموو پارێزگەھێن دی ھات دابینکرن بۆ وەلاتیێن پارێزگەھێ بەلێ د نھا دا وەلاتیێن پارێزگەھێ ئەو بێدەنگی شکاند نەھێلا ئێدی بریار جودا دگەل پارێزگەھێن دی بھێن دان ل تورێن کۆمەلایەتی خەلک ھەموو ھات دەنگ دژی وان بریارا بەلێ ب مخابنی ڤە ئیدارا پارێزگەھا دھۆک یا بێدەنگە چ راستڤەکرن بۆ خەلکێ دھۆک نەدان.

پشتی ب رێکا تورێن کۆمەلایەتی خەلکێ دھۆک پەنا بریە پەرلەمنتارێن کوردستانێ یێن پارێزگەھا دھۆک ئەڤرۆ رێکەفتی ٣/٧/٢٠١٩ فراکسیونا پارتی دیموکراتی کوردستان ل پەرلەمانێ کوردستانێ ل پێش بێدەنگ بوونا ئیدارا پارێزگەھا دھوک فراکسیۆنا پارتی بێدەنگی نە ھەلبژارد پەسەند کر کۆ پارێزگەھا دھۆک ئێکەم پارێزگەھە یا بێ بەھرە ژ مافێن خۆ یێن ئێکسەر دگەل جھێن شولەژێ تایبەت جەنابێ “نێچیرڤان بارزانی “سەرۆکێ ھەرێما کوردستانێ ھاتنە سەر خەت کۆ ئەو ئاریشە د بەرژەوەندیا خەلکێ پارێزگەھێ دا بھێت چارەسەرکرن.

رێزدار” نێچیرڤان بارزانی” سەرۆکێ ھەرێما کوردستانێ بەرسڤا ناما فراکسیۆنا پارتی دیمۆکراتی کوردستانێ دایە کۆ ل نێزیک وان کێَشەیا چارەسەربکەت دیفچوونێ لدووڤ وان ھەموو کێشەیا بکەت دڤی دەمی دا خەلکێ ھەژار یێ پارێزگەھا دھۆک دلخۆشیا خۆ دەربری د ئێکەم جاردا د تورێن کومەلایەتی دا ئەڤە چەندین رۆژ بۆ خەلکی ھەموو پوست دکرن ژبۆ ئیدارا پارێزگەھا دھۆک بتنێ بھێن دەنگ راستڤەکرنێ لدۆر وان بریارێن جودا دگەل پارێزگەھێن دی بدەن بەلێ پشتی بەرسڤا ناما سەرۆکێ ھەرێما کوردستانێ ئەو پۆستێن خەلکێ دھۆک ئێکسەر گھۆرتن دناڤ دروست بۆ پشتراست بوون ب پشتەڤانیا نێچیرڤان بارزانی ھەموو کێشە دھێن چارەسەرکرن ژبەرکو خەلکێ مە باوەری ب سەرۆکێ ھەرێما کوردستانێ ھەیە خەلکێ پارێزگەھا دھۆک د نھا دا چاڤەرێ چارەسەریا وان کێشانە ژلایێ سەرۆکێ ھەرێما کوردستانێ.

بێدەنگ بوونا ئیدارا دھۆک بەرامبەری بریارێن خۆ یێن جودا دگەل پارێزگەھێن دی یێن ھەرێما کوردستانێ تێگەھشتنەک بۆ بەرامبەری وان بریارێن جودا لەوما ئەڤرۆ چ راستڤەکرن نەدان ھەتا فراکسیونا پارتی دیموکراتی کوردستان ل پەرلەمانێ کوردستانێ ئەو بێدەنگیا وان ئینا دەنگ بۆ راوەستاندن ژ بریارێن جودا.

 

بابه‌تێن ب ڤێ مژارێ ڤه‌ گرێدای