کی ئێک رێزی تێکدا؟

سالح زێباری

ل سەد سالێن عیراقا بەری ٢٠٠٣ چ پرەنسیپەک ل حوکمرانییا بەغدا دا نەبوو کو ھەمی پێکھاتان بێ جوداھیێن نەتەوەی و ئولی و مەزھەبی قەبول بکەت و ئەوێ بھێز یێ دی دخوار وەکی یاسایا دارستانێ بوو. بەلێ پشتی کو عیراقا نوی ھاتیە ئاڤاکرن پرنسیپێ ھەری گرنگ و ستوینا ئاڤاکرن و پێشکەفتن و پاراستنا وەلاتی ل سەر تەوافقێ ھاتە دانان بۆ ھندێ ئەو شاشی و کریزێن ژییەک سەد سالی ھەی بێنە چارەسەر کرن. لێ ئەوا دەمێ پازدە سالێن چووی دیار ھەر ھەمان لوژیک بوو کو حوکمرانیا بەغدا دکر و عیراق ریبریێ دەھان کریزان کرەڤە، ھەرفینا ئێک جارەکی چاڤەرێ دکەت ئەگەر ب ڤی ئاوای بچیت و کار بۆ چارەسەریا ئێک جارەکی نەئێتەکرن! نھا ب ھاتنە پێشا عادل عبدولمەھدی چاڤەرێ دئێتەکرن کو ئەڤ کریزە ھەتا رادەیەکێ باش بێنە چارەسەرکرن.
پرەنسیپێ تەوافقێ ل کوردستانێ د ناڤبەرا ھێزێن کوردی دا و ل بەغدا ژی دا ھەر ھەمان کار ھاتیە کرن بۆ پاراستنا ناڤ مالا کوردی، ژبەرکو مرنا کوردان د نەبوونا تەوافقێ دابوویە و سەرکەفتنا وان ژی د ئێک رێزیێ دا بوویە. ھەردو پارتێن دەسەلاتدار پارتی دیموکراتی کوردستان و ئێکەتی نیشتیمانی کوردستان وەک دو پارت ب بۆ دەمێ چەندین سالە حوکمران بێگوھدانا سەنگا ئێک دو ب پرەنسیپێ تەوافقێ کار کریە ئانکو (فیفیتی فیفیتی). جێگرێ سەروکێ پارتی نێچیرڤان بارزانی بەحس ژ ڤێ خالێ کر کو ئەوێن بووینە فاکتەرێ تێکدانا ئێک رێزیێ ئەو بەرپرسیاریا ڤێ رەوشێ وەردگرن ھەروەسا ب ھیچ ئاوایەکێ یا رەوانیە کو ل کوردستانێ نیڤ ب نیڤ بیت و ل بەغدا ب کورسی و دەنگدان و سەفقێن گومانا وی بیت ل سەر حسێبا خانەنشینیان ماموستایەکێ! ئەڤ چەندە وەک رۆژا روون یا ئاشکرایە چ ئالیەکێ سیاسی ب ڤێ چەندێ رازینیە.
ئەو سەرەدەریا نە بەرپرسیارانە ئەوا ئێکەتیێ کری ل بەغدا سەبارەت ب دەست ڤە ئینانا پوستێ سەرۆککوماریێ بدیتنا من جھێ مەترسیێ و ئەڤ چەندە ژی ب رۆنی ل گوتارا کاک نێچیرڤانی دا دیار بوو دەمێ بەحس ژ مەترسیا ڤی نەریتی کر و دەنگدانا پێکھاتەکێ دیتر ل سەر بەھرا کوردان ل پلە و پوست و مافان، ژبەرکو ھەتا نھا ھەڤپەیمانیا کوردستانی ئەڤ پرسە ئێک لا دکر د نھا دا مەترسیا ڤی پۆستی ل سەر کوردان ھەیە و د پاشەروژێ دا کوتلێن پەرلەمانی ل شیعە و سوننەیان دشێن کەسەکێ لاواز و بێ پشتەڤانی و ھەتا وەکی جاشێن بەرێ دژە کوردان بینن و ب نوونەرێ پێکھاتەیێ کوردی دیار بکەن و دیڤ یاسایێ و ئەو عورفێ نھا ئێکەتییێ و بەرھەمی بەرھەم ئینای تشتەک رەوایە؟؟!
دەمێ نێچیرڤان بارزانی ل سەر پوستێ سەروککوماریێ دئاخفت ھەمی تشتێ د گوتارا وی دا دیار بۆ ھندێ بوو ئێک رێزیی بێتە پاراستن ل ناڤبەرا کوردان دا تایبەتی پارتی و ئێکەتی ژ بەرکو مەزنترین پارتێن دەسەلاتدارن ل کوردستانێ. ب دیتنا من پشتی دیار بوونا ئەنجامێن داویێ یێن ھەلبژاردنان دێ پتر رەوش رۆنتر بیت و ھەر ئالیەک سەنگا خۆ باش دزانیت، ئێکەتیی ژی وەک حزبەک مەزن باش ل پێش چاڤە ئەوا ل بەغدا ھاتیە کرن فەرە بێتە بەرچاڤ و ھەر ئێک سەنگا خۆ و دەنگدەری سەنگا ھەمی ئالیەکێ دیار کرییە.
د گۆتارا نێچیرڤان بارزانی دا دیار بوو :
– کار کرن ب جدی بۆ پاراستنا رەوشا ئێمناھییێ ل کوردستانێ.
– رێزگرتن ل سەنگا ئێک و دو و رازیبوون ب وێ چەندێ کو دەنگدەران ب ئالیێن سیاسی دای و ئەڤ چەندە د حکومەتا داھاتی دا دێ دیار بیت .
– دیرکەفتن ژ ھزرا دو ئیدارییێ کو بوویە خەونا ھندەک ژ خودی ھزرێن ژەنگی و جاش و تێکدەران.
– ھەبوونا پەیوەندیەکا موکم ل گەل بەغدا، تایبەت ل سەر دەمێ عادل عبدولمەھدی.
– کارکرن بۆ وەرگرتنا پوستێ سەروککوماریێ ژ بال پارتی ڤە بۆ ھندێ بوو کو ئەڤ پۆستێ نەھاتییە بکار ئینان بۆ پاراستنا بەرژەوەندیا کوردان و چارەسەرکرنا کریزێن دناڤبەرا ھەولێر و بەغدا دوبارە بکەڤیتە کار و مفا ل ڤی ئیستیحقاقا کوردان بێتە وەرگرتن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.