کۆپیچ: دبیت تا جەژنا قوربانی حکومەتا ئیراقێ بھێت پێکئینان

کۆپیچ: دبیت تا جەژنا قوربانی حکومەتا ئیراقێ بھێت پێکئینان

WAAR-دهۆك:

سەرۆکێ تیمێ نەتەوەیێن ئێکگرتی بۆ ھاریکاریا ئیراقێ یونامی راگەھاند؛ دبیت تا رۆژا جەژنا قوربانی حکومەتا نوو یا ئیراقێ بھێتە پێکئینان.
یان کوپیچ د روونشتنا خوە یا داویێ دا ل جڤاتا ئاساییشا ناڤدەولەتی راگەھاند؛ دەلیڤەیەکا مەزن ھەیە کو لێڤەگەرێ مەزنێ شیعەیان عەلی سیستانی کارتێکرنێ ل ھزرا ھێزێن سیاسی یێن ئیراقی بکەت، داخواز ژی ژ حەیدەر عەبادی کر بەردەوامیێ بدەتە سیاسەتا خوە یا ئاساییکرنا پەیوەندییان د گەل وەلاتێن ھەڤسوو و بتایبەت ئەرەبستانا سعوودیێ و وەلاتێن کەنداڤی.
کۆپیچ گۆت ژی: پێکئینانا حکومەتا ئیراقێ یا ھەڤدەمە د گەل خوەنیشاندانێن پارێزگەھێن باشۆر و ناڤەراستا ئیراقێ، کو خوەنیشاندەران نامەیەکا ب ھێز ئاراستەی حکومەتێ کرییە و داخوازا چاکسازییان و بەرھنگاربوونا گەندەلیێ کرییە.
ئاشکرا ژی کر، دبیت تا جەژنا قوربانی حکومەتا نوو بھێت پێکئینان، ھیڤیی ژی خواستن ئالییێن سەرکەفتی بگەھن قۆناغا داویێ یا دانوستاندنێن پێکئینانا حکومەتێ و گۆت: پێدڤییە حکومەتا نوو داخوازییێن ئیراقییان بجھبینیت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.