کۆنگرێسێ ئەمریکا.. نێزیکە بودجە پەسەند ببیت

کۆنگرێسێ ئەمریکا.. نێزیکە بودجە پەسەند ببیت

WAAR-دهۆك:

کۆماری و دیمۆکراتێن ئەمریکا رێککەفتنەکا دەستپێکی بۆ دەربارەی ئاساییشا سنۆران کرییە، لێ بودجەیا ئاڤاکرنا دیواری پەسەند نابیت.
ریچار ئیلبی، سیناتۆرێ کۆماری یێ ئەمریکی راگەهاند، کۆنگرێسمەنێن کۆماری و دیمۆکرات رێککەفتنەکا دەستپێکی دەربارەی ئاساییشا سنۆران کرییە، رێککەفتن ژ 6 پرۆژەیاسایان پێک دهێت و پارە بۆ ئاساییشا سنۆران دێ هێتە تەرخانکرن داکو بودجە پەسەند ببیت و حکوومەت نەهێتە داخستن ڤە.
مەدیایێن ئەمریکی دەربارەی رێککەفتنا کۆنگرێسمەنان ئاماژە دکەن، سیناتۆرێن دیمۆکرات ل سەر پەسەندکرنا ملیارەک و 300 ملیۆن دۆلاران بۆ ئاساییشا سنۆران رازی بووینە، لێ 5 ملیار و 700 ملیۆن دۆلارێن ئاڤاکرنا دیواری ناهێنە خەجکرن.
کۆنگرێسێ ئەمریکا بەری نها ژ بەر پارەیێ بۆ ئاڤاکرنا دیوارێ سنۆری هاتییە تەرخانکرن، بودجە پەسەند نەدکر و ترامپی دووپات دکر، بێی پارەیێ دیوارێ سنۆری، بودجە ژ کۆچکا سپی دەرباز نابیت.

بابه‌تێن ب ڤێ مژارێ ڤه‌ گرێدای