کۆبانی ھەلوەستا مسرێ لدۆر ھێرشێن تورکیا بلند نرخاند

کۆبانی ھەلوەستا مسرێ لدۆر ھێرشێن تورکیا بلند نرخاند

WAAR-دهۆك:

فەرماندارێ گشتییێ ھێزێن سووریا دیمۆکرات ھەسەدێ راگەھاند ئەو ھەلوەستا کۆمارا ئەرەبی یا مسرێ بۆ پشتەڤانییا گەلێ سووریێ ل ھەمبەر ھێرشێن تورکیا، بلند دنرخینن.
مەزلووم کۆبانی د توویتەکێ دا راگەھاند؛ ئەو ھەلوەستا کۆمارا ئەرەبی یا مسرێ بۆ پێداگیریا لسەر ئێکپارچەیا ئاخا سووریێ و پشتەڤانیا گەلێ وێ لھەمبەر ھێرشێن تورکیا بلند دنرخینن.
کۆبانی دیار ژی کر: کو ئارمانج ژ ھێرشێن تورکیا گوھارتنا دیمۆگرافییا باکۆرێ سووریێ یە.
فەرماندارێ گشتییێ ھەسەدێ ھەروەھا نڤێسییە ژی کو ئەو سوپاسییا بەرپرسێن مسرێ ژی دکەن کو ھەلوەستاکا ئەرێنی لسەر ھەسەدێ ژی ھەیە کو رەنگڤەدانا ناسنامەیا جڤاکا سووری یا ھەمەرنگە.
ئەڤ داخویانییا کۆبانی ل دەمەکی یە، ژ دەستپێکا ھێرشێن تورکیا لسەر رۆژئاڤایێ کوردستانێ، مسرێ دژاتییا خوە بۆ وان ھێرشان راگەھاندبوو و ب داگیرکاری ناڤکربوو و کۆمبوونەکا کۆمکارا ئەرەبی بۆ رێکاران دژی وان ھێرشان رێکخستبوو.

بابه‌تێن ب ڤێ مژارێ ڤه‌ گرێدای