کۆبانی: پێدڤییە کوردێن رۆژئاڤا ھێزەکا سیاسی یا ئێکگرتی ھەبیت

کۆبانی: پێدڤییە کوردێن رۆژئاڤا ھێزەکا سیاسی یا ئێکگرتی ھەبیت

WAAR-دهۆك:

فەرماندارێ ھەسەدێ دیار کر کو ئەو دخوازن نوونەراتییەکا سیاسی یا ئێکگرتی یا کوردێن رۆژئاڤایێ کوردستانێ ئاڤا بکەن و ژ بۆ وێ د گەل ئەنەکەسێ دا دانوستاندن کرینە، لێ ئەو ئێکگرتنە ئالییێ لەشکەری ب خوە ڤە ناگریت.
مەزلووم کۆبانی، فەرماندارێ گشتی یێ ھێزێن سووریایا دیمۆکراتیک، ھەسەدێ راگەھاند: پێدڤییە کورد ئێکگرتی بن و ژ بۆ وێ یەکێ ژی وان پەیوەندی ب ئالییێن کوردی کرینە و جڤاتا نشتیمانی یا کوردی ل سوورییێ، ئەنەکەسێ چەندین پێشنیاز ھەبوون و ژ بەر کو کوردێن رۆژئاڤایێ کوردستانێ د قۆناغەکا چارەنڤیسساز دا نە و پێدڤییە زێدەباری جوداھی و ھەڤرکییێن ناڤخوە، بریارێن ھەڤپشک ھەبن و بریارا وان یا دەرڤە، شاندێن دەرڤە ئێکگرتی بن و ھەست بکەن ھەموو جڤاکا کوردی ل پشتا وانە.
فەرماندارێ ھەسەدێ پێشنیاز ژی کر ل دەستپێکێ کۆنگرەیەک د ناڤبەرا ئالیییێن کوردی دا چێببیت دا کو بگەھن یەکدەنگی و یەکگۆتارییێ و پاشان لێڤەگەری یان دەستەیەکا سیاسی بھێت ئاڤاکرن و ئەو وەک ھێزا سیاسی مایتێکرنێ نەکەن، لێ ھەست ب ھەبوونا ھێزەکا سیاسی یا بھێز ل پشت خوە بکەن.
مەزلووم کۆبانی ھەروەسا ئاشکەرا کر کو رێککەفتنا وان و ئەنەکەسە و ئالییێن دی تنێ دێ د بیاڤێ سیاسی دا بیت، ژ بەر کو ھەسەدە نوونەراتییا ھەموو ئالییان دکەت ھەر ھێزەک دشێت خوە ل ژێر فەرمانا وێ ببینیت و خوە سوپایێ رژێمێ ل رۆژئاڤایێ کوردستانێ، ل ژێر فەرمانا وێ شەرێ دکەت.

بابه‌تێن ب ڤێ مژارێ ڤه‌ گرێدای