کۆبانی: دەڤەرا ئارام دێ تنێ 5 کیلۆمەتران ل ناڤ ئاخا رۆژئاڤا بیت

کۆبانی: دەڤەرا ئارام دێ تنێ 5 کیلۆمەتران ل ناڤ ئاخا رۆژئاڤا بیت

WAAR-دهۆك:

فەرماندارێ گشتی یێ ھەسەدێ دیار کر کو ئەو رازی نە دەڤەرا ئارام تنێ 5 کیلۆمەتران د ناڤ ئاخا رۆژئاڤایێ کوردستانێ دێ بھێت جێبجێکرن و ئەو دێ ب مەرج رێ دەن تورکیا ژی پشکداری ھێزێن چاڤدێرییێ ببیت.
مەزلووم کۆبانی، فەرماندارێ گشتی یێ ھێزێن سووریایا دیمۆکراتیک د ھەڤپەیڤینەکا رۆژنامەڤانی دا راگەھاند: ئەو رژدن کو دەڤەرا ئارام تنێ 5 کیلۆمەتران ژ دەڤەرێن سنۆری یێن باکۆر و رۆژھەلاتێ سوورییێ ب خوە ڤە بگریت و یەکینەیێن پاراستنا گەل، یەپەگە ب چەکێن خوە یێن گران و دوورمەودا و تۆپ و تانکان ڤە خوە ڤەبکێشیت دەڤەرێن دوورتری سنۆری و ھێزێن ژ خەلکێ کۆبانی، سەرێ کانییێ، قامشلۆ، گرێ سپی و دێرکێ ب خوە وان دەڤەران بپارێزن و ھێزێن ناڤدەولەتی چ ژ ھەڤپەیمانییا نێڤدەولەتی یا دژی داعشێ، چ ژی ژ ھەر ھێزەکا دی یا نێڤدەولەتی چاڤدێرییا سنۆران کەت، لێ تورکیا رۆل تێدا نەبیت، ژ بەر کو ئەو ئالییەکی ھەڤرکییێ یە و ئەو ب دەڤەەکا بێ ئالی ب تنێ رازی نە.
کۆبانی ھەروەسا ئاشکەرا کر: ئەو تنێ دێ وی دەمی رازی بن تورکیا ژی پشکداری ھێزێن چاڤدێریکرنا سنۆران ببیت، دەما مەرجێ وان یێ سەرەکی بجھـ دئینیت کو ئەو ژی دەرکەفتنا سوپایێ تورکیا و ھێزێن ئۆپۆزسیۆنا سووری یێن سەر ب وێ ڤە نە ژ عەفرینێ و ڤەگەراندنا ملک و مالێن عەفرینییان و ڤەگەریانا خەلکێ وێ و دەرکەفتنا بیانییان و ب گرەنتی و چاڤدێرییا نێڤدەولەتی.

بابه‌تێن ب ڤێ مژارێ ڤه‌ گرێدای