کوردستان.. ل ھەموو باژێران ئاھەنگێن نەورۆزێ ھاتن گێران

کوردستان.. ل ھەموو باژێران ئاھەنگێن نەورۆزێ ھاتن گێران

WAAR-دهۆك:

ل ھەموو باژار و باژارکێن ھەرێما کوردستانێ ئاگرێ نەورۆزێ ھات ھەلکرن و ئاھەنگ ھاتن گێران.
ل دووڤ ئاگەھیێن پەیامنێرێن وار: ل سەرانسەری ھەرێما کوردستانێ، زێدەباری ھەلکرنا مەشخەلێن ئاگری، ئاھەنگێن ھونەری ب ھەلکەفتا جەژنا نەورۆزێ و ھاتنا سەرسالا کوردی ھاتن گێران.
ل باژارێ دھۆکێ ل پارکا نەوروز و کێلیا شەدایێ و چیایێ زاوا ب رێورەسمێن فەرمی ئاگرێ نەورۆزێ ھات ھەلکرن، ل ئاکرێ ژی ئاگر ل کەلێ و چیایێن دی یێن وی باژارکی ھات ھەلکرن و ئاھەنگێن مەزن یێن جەماوەری ھاتن گێران.
ل ھەولێرا پایتەخت ژی ب بەرھەڤبوونا ژمارەیەکا زۆر یا وەلاتییان ئاگرێ نەورۆزێ ل پارکا شانەدەر ھاتە ھەلکرن و ل سلێمانیێ و ھەلەبجە ژی ئاگرێ نەوروزێ ل ناڤەندا باژاری ھاتە ھەلکرن و ئاھەنگ ب رێڤەچوون.
پەیامنێرێن وار ئاماژە ‌کر: بالیۆز و نوونەرێن وەلاتێن بیانی ل ئیراق و ھەرێما کوردستانێ ژی بەرھەڤی رێ و رەسمێن ھەلکرنا ئاگرێ نەورۆزێ و سەرسالا کوردی ل دەڤەرێن جودا یێن کوردستانێ بوون.
ھەڤدەم ل دەڤەرێن کوردستانی و باژارێ کەرکووکێ مەراسیمێن تایبەت ل گەل بلندکرنا ئالایێ کوردستانێ و گێرانا ئاھەنگەکا مەزن ل سەر کەلا کەرکووکێ بۆ پێشوازی ل جەژنا نەتەوەیی یا نەوروزێ ھاتن گێران.

بابه‌تێن ب ڤێ مژارێ ڤه‌ گرێدای