کوردستان دناڤبەرا ھەردو خیانەتێن 16ی ئوکتۆبەرێ و 6ی حوزیرانێ دا

بەدرخان زاویتەیی

شک تێدانینە کو پیلانا 16ی ئوکتۆبەرێ پیلانەکا پێشوەخت یا دارێتی بوو و چ گرێدان ب ئەنجامدانا ریفراندومێ ڤە نەبوو و دەستپێکا وێ پیلانێ بۆ برینا بودجە و مووچەیێن ھەرێمێ دزڤریت و ل خیانەتا 16-10-2017 ب دوماھیک نەھاتیە بەلکو تانوکە یا بەردەوامە و ئەوتێکدان و کاودانێن پشتی خیانەتێ دیاربووین کو مەرەما وان لایەنان و ئەو ئەجیندایێن دەرەکی یێن لپشت ڤێ پیلانێ ژناڤبرنا قەوارێ ھەرێما کوردستانێ یە و داگیرکرنا ھەڤلێرێیە و دویرئێخستنا پارتی و مالا بارزانە ژ پرۆسا سیاسییا کوردستانێ و عیراقێ و ل دویف دا ب بریارەکا سیاسی ئەنجامێن ریفراندومێ و پارتی دیموکراتی کوردستان ب ھەوەلشینن لێ ڤان ھەمی بزاڤان شکەستن ئینا و حکومەتا ھەرێمێ و سەرکردایەتیا پارتی شیان ڤان ھەمی بەربەستێن چێکری یێن ئابووری و سیاسی و لەشکەری و یاسایی و ئەمنی تا دگەھیتە جڤاکی و ئابلوقەیا دوبلوماسی بشکێنیت و جڤاکێ نیڤدەولەتی بینیتە سەرخەتێ دژی فشارێن بەغدا و عەبادی نەجاری رێکەفتنێ بکەت دگەل ھەرێمێ و ئابلوقەیا لسەرفروکەخانەیان راکەت د مەھا سێ یا ئەڤسالە دا و تەمام بۆ ھەلبژارتنێن عیراقێ و پێشھاتێن وێ خوە حازر کەت.
خویایە پشتی وان کاودانێن سەخت و دژوار یێن پشتی خیانەتا 16 ئوکتۆبەرێ پارتی دەستپیشخەریەک بۆ هەمی لایەنێن کوردستانی فرێکر کو یان ب ئێک لیست بەشداری ھەلبژارتنێن پەرلەمانێ عیراقێ ببن یان بایکوتا ھەلبژارتنان بکەن لێ مخابن نەک ھەربایکوت نەکر بەلکو بەشداری ھەلبژارتنان بوون ب لیستێن جودا و ھەوپەیمانی دژی پارتی دروستکرن ل دەڤەرێن مادێ 140 تایبەت ل کەرکووکێ ئەو بوو پارتی بریارا بایکۆتکرنا ھەلبژارتنان دا ل کەکووک و خۆرماتوو و ھیچ شەرعیەتەک نەدا وێ داگیرکارییا نوکە ل کەرکووکێ ھەیی. ئەو بوو ل 12-5 ھەلبژارتن ھاتنە ئەنجامدان و لدویڤ دا ئەنجام دیاربوون و ئەڤ لایەنە و تایبەت دەولەتا یاسا و پارتێن ئیسلامی و بزاڤا گوران تووشی شکەستنن مازن بوون و وان ئەنجاما ھەوپەیمانیا بەرھەمێ یاکو تازە دروست ببووی ژ ئیکەتیێ جودا ببوو تووشی مەندەھوشی و حێبەتیێەکا مازن کر و پارتیشیا 26 کورسیک ابدەستخوڤە بینیت و سەرکەفتنەکا دی تۆماربکەت. لێ ئەڤلایەنە شکەستن ئیناین ھەولێن خوە و ژێر فشارا ئەجیندێن دەرەکی چر کرن بۆ گھورین یان ھەلوەشاندنا ڤان ئەنجامان دویر ژ ھەر یاسایەکێ و مادێن دەستووری و دیسا ئەو یاسایا ژمارە 11  یاسالا 2007 و ئەو راستڤەکرن و گھورینێن ل سەرھاتینە کرن لدویف یاسا ژمارە 45 یاسالا 2013 و ل 2017 ھاتینە پەسەندکرن ژ لایێ پەرلەمانی ڤە کو ئێک ژ برگەیێن وێ یاسایێ ئەوە کوھژمارتنا دەنگان د برێ یا ئەلکترۆنی بیت لێ دیسا سەرپێچیا ڤان ھەمی یاسا ھاتەکرن و ل روینشتنا 6 حوزەیرانێ سالا2018 پەرەلەمانێ عیراقێ یێ دەم بسەرڤەچوویی کو ب ھیچ رەنگەکی ما فێ ڤان جورە روینشتن و خواندنا ڤان یاسایان نینە ئەڤ روینشتنە ئەنجامدا و ئەو یاسایە دیسا راستڤەکرن و ھندەک لایەنێن کوردستانی بۆ بەردەوامیدان ب خیانەتێ مەرجێ بەشداریکرنا روینشتنا پەرلەمانی کرە ھەلوەشاندنا دەنگێن پێشمەرگەیی و ھێزێن ناڤخو و ئاسایشا ھەرێمێ و ب ڤی رەنگی بەشداربوون و دەنگداھەلوەشاندنا وان دەنگا بۆ بدەستڤەئینانا ھندەک دەنگێن زێدە و لاوازکرناپارتی و دوبارە ڤەگەرنەڤە بۆ جێبەجێکرنا پیلانا 16 ئوکتۆبەرێ بەلێ برەنگەکێ دی! و دوبارە خیانەتەکا دی ل پیشمەرگەیی و خەلکێ کوردستانێ کر.
ھەژی گۆتنێ یە کو ھەر ژ ھەلبژارتنێن سالا 2005ێ ل عیراقێ شێروان حەیدەری کو سەر ب پارتی بوو تا ل جھێ وی سەربەست مستەفا کو ھەرپارتی بقو ھاتیە دانان و ھەلبژارتنێن پەرلەمانی و جڤاتێن پارێزگەھا ھاتینە ئەنجامدان ھەمی لایەنان پەسنا رۆلێ کومسیونێ دکر. و ھەرئەو پەرلەمانێ باوەری ژ سەربەست مستەفایی کو سەرۆکێ کومسیونێ بوو و پارتی بوو وەرگرتی و لجھێ وی ئێکێ ئێکەتی و ئێکێ گوران کرینە د جڤاتا کومسیاران دا و د ئێکەم تاقیکرنا خودا شکەستنەکا مەزن ئینا و ھەر دیسا وی پەرلەمانی ب بریارەکێ جڤاتا کۆمسیاران ھەلوەشاند و ل جھێ وان 9  دادەور دانان کو ب ھیچ رەنگەکی و یاسایەکێ ئەڤ چەندە چێنابیت پەرلەمان لێپرسینێ دگەل دادوەران بکەت و ئەڤ چەندە بۆ مایتکرنەکا مازن د کاروبارێن دەستھەلاتا دادوەری دا بەلێ ئەڤ بریارە ھاتیە دەرکرن کو پێچەوانەیی دەستووری و ھەمی وان مادەیێن گرێدایی دەستھەلاتێن پەرلەمانی یە کوھەر ژ مادا 48 تا مادا 61  ژ دەستووری ب رۆهنی ئەو دەستھەلاتا ئاشکرا کرینە!دمینیت ھەلویستێ دادگەھا فیدرال کا د ب چ رەنگ بیت.
لڤێرە خویا دبیت کو بارودوخێ عیراقێ و ئەو کاودانێن تێدا دەرباز دبیت چەند مەترسیدارن و لایەنێن سیاسی یێن عیراقێ دابەشی دوبەرەیێن تەمام ژ ئێک جودا بووینە و ھەر بەرەیەک زۆرینەیا پەرلەمانی دروستکەت بۆ پێکئینانا حکومەتێ بەرێ دی د دژراوستیت و ئەڤ چەندە دیاربوو پشتی ھەوپەیمانیا سائرون ب سەرۆکاتیا موقتەدا سەدر ھەولێن خوە چر کرین بۆ دروستکرنا کوتلا مازن و نێزیک بووی ژ ڤێ چەندێ لایەنێن بەرامبەر ب چەند روینشتنەکێن نەیاسایی یا پەرلەمانێ دەمبسەرڤەچوی ئەنجامدا و چەند بریارێن دژی یاساسێ و دەستووری دەرکرن و دھەمان دەم دا دوپەقینێن ب ھێز ل باژێرێ سەدر ل نیڤا بەغدا ئەنجامدان و ل ڤێ چەندێ نەراوستیان بەلکو ئیرانێ کوپشتەڤانا ڤان لایەنێن شکەستیە د رۆژا جیھانییا قودسێ دا ل زۆر بەیا ناوچێن عیراقێ و ل سلێمانیێ ژی ئەڤ رۆژە ب ھەلاویستنا ئالایێ ئیرانێ و وێنێن خامەنەیی و خومەینی ھاتەساخکرن و ب نمایشێن سەربازی د ژی ئەمریاکا و ئیسرائیلێ کرن و نامەک بوو ھەمی لایەنان فرێکر کو ب زانن ئەم چەند بھێزێن د عیراقێ دا و دشەریکەین و قەد خوە ناڤەکێشین! ھوسا دیار دبیت کوعیراق یا بەرەڤ پارچەبوونا بزۆری دچیت و وئەگەر د زۆرن کو د ھەرچرکەیکێ داشەرێ ناڤخۆ ل عیراقێ رویدەت! و ئەولایەنێن روینشتنا پەرلەمانی ئەنجامدایین مەترسیا ڤێ چەندێ دزانن و یێ ھەولدەن ژیێ پەرلەمانی درێژکەن و حکومەتا عیراقێ بکەنە حکومەتەکا کاربەرێکەر و ئەنجامێن ھەلبژارتنان بهێنە ھەلپەساردن یان ژی ھەلوەشاندن و ئەڤە بخوە ژی ئاماژەنە کو عیراق یا بەرەڤ ژناڤچوونا ئێکجاری دچیت.
لەورا نابیت کورد خوە تەڤلی وی شەری بکەن و رێ نەدەن کو بەغدا بھێز بکەڤیت و ل وی دەمی دێ جڤاکێ نیڤدەولی نەچار بیت دانپێدانێ ب ئەنجامێن رێفراندومێ بکەت و حکومەتەکا تەنگاڤیان ل عیراقێ دروستکەن ل بن چاڤدێریا نەتەوەێن ئیکگرتی تا ئەڤ قووناغە د هێێتە دەربازکرن کو ب ھەمی رەنگان ئاماژێن وێ د بەرژەوەندیا کوردستانێ دانە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.