کلچدارئۆغلو: یێ بەحسا دیمۆکراسییێ بکەت، شارەداران دوورنائێخیت

کلچدارئۆغلو: یێ بەحسا دیمۆکراسییێ بکەت، شارەداران دوورنائێخیت

WAAR-دهۆك:

سەرۆکێ گشتی یێ جەھەپێ دیار کر کو چاند و ھونەر بێی دیمۆکراسه تی نابن و یێ بەحسا دیمۆکراسییێ بکەت، شارەداران دوورنائێخیت.
کەمال کلچدارئۆغلو، سەرۆکێ گشتی یێ پارتییا گەل یا کۆماری، جەھەپێ د ڤەکرنا فەستیڤالا چاند و ھونەرێ دا ل باژارۆکێ بورھانییێ یێ رۆژئاڤایێ تورکیا راگەھاند: گەر ئەو بەحسا چان، ھونەر، مرۆڤاتی، ئازادی و ھزرێ بکەن، پێدڤییە بەری وێ بەحسا دیمۆکراسییێ بکەن کو زاراڤەکێ بەردەوام د گوھەرین و پێشڤەچوونێ دا یە و ل گۆری وێ ھەمی کەسان مافێ پشکداریکرنێ د ھەلبژارتنێن ئازاد دا ھەیە و دیمۆکراسییا بێی پێدانا ماف، ئازادی، ھێز و دەستھەلاتان، نینە.
کلچدارئۆغلویی گۆت ژی: دوورخستنا شارەدارێن ئامەد، وان و مێردینێ دژی یاسا و دیمۆکراسییێ یە، ژ بەر کو ئەو وەک شارەدار ھاتینە ھەلبژارتن و مومکن نینە دەستھەلاتدار ھەڤدەمی دوورخستنا ھەلبژارتییان، بەحسا دیمۆکراسی و مافێن مرۆڤی بکەن.
سەرۆکێ گشتی یێ جەھەپێ ئاماژە دا دوورخستنا شارەدارێن کورد ل سالا ٢٠١٧ێ ژی و گۆت: ئەو وێ دەمێ ژی دژی دوورخستنا شارەدارێن کورد بوو، ژ بەر کو ئەدۆغانی نەھەلبژارتبوون، بەلکو گەلێ ھەلبژارتبوون.

بابه‌تێن ب ڤێ مژارێ ڤه‌ گرێدای