کاروانەکێ دی یێ بارھەلگرێن چەکی گەھشت رۆژئاڤایێ کوردستانێ

کاروانەکێ دی یێ بارھەلگرێن چەکی گەھشت رۆژئاڤایێ کوردستانێ

WAAR-دهۆك:

دوھی کاروانەکێ دی یێ بارھەلگرێن چەک، تەقەمەنی و پێدڤییان گەھشته‌ سەربازگەھا تلبەیدارێ ل رۆژئاڤایێ کوردستانێ.
ل گۆرەیی ژێدەرێن نووچەیان یێن رۆژئاڤایێ کوردستانێ؛ دوھی ئێڤاری کاروانەکێ دی یێ چەک، تەقەمەنی، ئالاڤێن لەشکەری، ترومبێلێن زریپۆش، بارھەلگرێن پەترۆلێ، بەربەستێن چیمەنتۆیێ و پێدڤییێن لۆجستی گەھشتنه‌ ناڤەندا لەشکەری یا ھەڤپەیمانییا نێڤدەولەتی یا دژی داعشێ ل دەڤەرا تلبەیدارێ یا سه‌ر ب پارێزگەھا حەسەکێ ڤه‌ ل رۆژئاڤایێ کوردستانێ.
دیار ژی کر؛ ئەو کاروانە کو ژ سەد و پێنجی بارھەلگران پێکدھات، ب رێیا دەرییێ سێمالکا یێ د ناڤبەرا ھەرێم و رۆژئاڤایێ کوردستانێ دا گەھشتییە کو چه‌ندین بارھەلگران رووپۆش تێدادا بوون.
دھێت زانین؛ ئەڤە بیست و حەفتەمین کاروانێ چەکی یە ھەڤپەیمان بۆ هه‌سه‌دێ دهنێرن پشتی شکاندنا داعشێ و ھەژمارا گشتی یا بارھەلگرێن گەھشتینه‌ دەست شەرڤانان و ناڤەندێن ھەڤپەیمانان، گەھشتییە دو ھزار و نەھسەد بارھەلگران.

بابه‌تێن ب ڤێ مژارێ ڤه‌ گرێدای