کابۆل.. 17 بریندارێن هێرشا ناڤ شەهیانێ ژیانا خوە ژ دەست دا

کابۆل.. 17 بریندارێن هێرشا ناڤ شەهیانێ ژیانا خوە ژ دەست دا

WAAR-دهوك:

ژمارەکا دی یا بریندارێن هێرشا خوەکوژی یا د ناڤ شەهیانەکێ دا ل ئەفغانستانێ هاتییە کرن، ژیانا خوە ژ دەست دا و ژمارەیا کوشتییان گەهشتە هەشتێ کەسان.
نەسرەت رەحیمی، پەیڤدارێ وەزارەتا ناڤخوە یا ئەفغانستانێ ئەڤرۆ راگەهاند، هەڤدە بریندارێن دی یێن هێرشا خوەکوژی یا ل کابۆلێ د ناڤ شەهیانەکێ دا هاتییە کرن، ژیانا خوە ژ دەست دا و سەرجەمێ گشتی یێ کەسێن د وێ هێرشێ دا ژیانا خوە ژ دەست دای، گەهشتە هەشتێ کەسان.
رەحیمی هەروەسا ئاماژە کر، سەد و شێست بریندارێن دی یێن وێ هێرشێ تا نها د نەخوەشخانەیان دانە و چارەسەری بۆ دهێتە کرن.
ل رۆژا شەمبییا بووری، خوەکوژەکێ داعشێ ل کابۆلا پایتەختێ ئەفغانستانێ، خوە د ناڤ شەهیانەکێ دا پەقاندبوو و ل وێ رۆژێ، کوشتنا شێست و سێ کەسان هاتبوو راگەهاندن.

بابه‌تێن ب ڤێ مژارێ ڤه‌ گرێدای