ڤەنزوێلا.. گوایدیۆ و مادۆرۆ هەڤڕکیێ ل سەر گەهاندنا هاریکارییان دکەن

WAAR-دهۆك:

هاریکاریێن مرۆڤاتی یێن ئەمریکی ل سەر سنۆرێن ڤەنزوێلا راگرتینە و حکوومەتا ڤەنزوێلا هندەک هاریکاری گەهاندنە سنۆران.
خوان گوایدیۆ، سەرۆکێ پەرلەمانێ ڤەنزوێلا کو خوە ب سەرۆکێ وەلاتی ناڤ کرییە، دوهی د گۆتارەکێ دا ل کاراکاس، پایتەختێ ڤەنزوێلا راگەهاند، ئێکەم کاروانێ هاریکاریێن مرۆڤاتی یێن ئەمریکی گەهشتییە سەر سنۆرێن ڤەنزوێلا، لێ حکوومەت رێ ب دەربازبوونا وان نادەت و ترس هەیە 300 هزار وەلاتی ژ برسا دا ژیانا خوە ژ دەست بدەن.
هەڤدەم حکوومەتا نیکۆلاس مادۆرۆی ڤیدیۆیا گەهاندنا هاریکاریێن مرۆڤاتی بۆ ڤەنزوێلیێن ل سەر سنۆرێن کۆلۆمبیا بەلاڤ کر.
نێزیکی 3 هەفتیانە خوان گوایدیۆ، سەرۆکێ پەرلەمانی خوە ب سەرۆکێ ڤەنزوێلا دایە نیاسین و ئەمریکا و ب دەهان هەڤپەیمانێن وێ، پشتەڤانییا خوە بۆ دیار کرییە.

بابه‌تێن ب ڤێ مژارێ ڤه‌ گرێدای