ڤەنزوێلا مەزنترین مانۆرا سەربازی ل سەر سنۆرێ کۆلۆمبیا دەستپێ کر

ڤەنزوێلا مەزنترین مانۆرا سەربازی ل سەر سنۆرێ کۆلۆمبیا دەستپێ کر

WAAR-دهۆك:

مانۆرێن سەربازی یێن ڤەنزوێلا ل سەر سنۆرێ کۆلۆمبیا دەستپێکرن و سەرۆکێ وی وەلاتی د بێژیت، ئەو مانۆرە تنێ ئارمانجا وان بەرگریە.
ب سەرپەرشتیا نیکۆلاس مادۆرۆ شڤێدی ڤەنزوێلا مەزنترین مانۆرا سەربازی ب پشکداریا ھێزێن پیادە و ئاسمانی، ھەروەھا چەکێن گران ل سەر سنۆرێ کۆلۆمبیا دەستپێ کر و ئەو مانۆرە تا رۆژا بیست و ھەشتێ ڤێ مەھێ دێ بەردەوام بیت.
مادۆر گۆت: ب کرنا ڤان مانۆران کراکاس ناخوازیت ئەردێ چ وەلاتان داگیر بکەت و ئارمانجا وان تێنێ بەرگریا سنۆرێن وانە.
ل ھەفتیا بۆری حکومەتا کراکاسێ ھژمارەکا بەلگەیان بەلاڤ کرن کۆلۆمبیا ب وێ یەکێ سوچبار کر کو بنەگەھێن سەربازی یێن مەشقدانا تیرۆرستان ب ئارمانجا ھێرشکرنا ڤەنزوێلا داناینە.
ژ ئالیێ خوە ڤە ژی ئیڤان دۆکێ، سەرۆکێ کۆلۆمبیا گۆت: ل شوونا ڤەنزوێلا پارەیێن خوە ل مۆشەکان خەرج بکەت، باشترە خوارنێ بۆ وەلاتیێن خوە پێ ب کریت.

بابه‌تێن ب ڤێ مژارێ ڤه‌ گرێدای