ڤیزایێ هه‌لبژارتیێ كوردستانێ ژ بریتانیا بێ باركر

ڤیزایێ هه‌لبژارتیێ كوردستانێ ژ بریتانیا بێ باركر

وار – دهۆک :

لدویف داخازییا ئێكه‌تییا ته‌پاپێى یا ئیرله‌ندا بۆ هه‌لبژارتیێ كوردستانێ هاتبوو كو بچیته‌ وه‌لاتێ بریتانییا و چه‌ند یاریێن هه‌ڤالینى ئه‌نجام بده‌ن، بۆ ڤێ مه‌ره‌مێ ژى هه‌لبژارتیێ كوردستانێ به‌رهه‌ڤیێن خۆ كربوون و بریاربوو ل مه‌ها بهێت به‌ره‌ڤ وه‌لاتێ بریتانیا بچیت ب مه‌ره‌ما ئه‌نجامدانا چه‌ند یاریێن هه‌ڤالینى دگه‌ل هه‌لبژارتیێ ئیلان ڤانینى یا ئیرله‌ندى و یانه‌یێن وه‌لاتێ ناڤبرى، به‌لێ ژبه‌ركو نه‌بوونا ڤیزێ نه‌رازیبوونا بالۆزخانه‌یا بریتانیا ل وه‌لاتێ ئوردنێ گه‌شتا هه‌لبژارتیێ ناڤبرى هاته‌ هه‌لوه‌شاندن، لدۆر ڤێ چه‌ندێ سكرتێرێ ئێكه‌تییا ته‌پاپێى یا هه‌رێما كوردستانێ بۆ رۆژنامه‌یا وار راگه‌هاند كو بڕیاربوو ل مه‌ها بهێت شاندێ هه‌لبژارتیێ كوردستانێ یێ ته‌پاپێى به‌ره‌ڤ بریتانیا ب رێكه‌ڤتبا، به‌لێ بالۆزخانه‌یا بریتانیا ل عومانا پایته‌ختێ ئوردنێ رازی نه‌بوو ڤیزێ بده‌نه‌ شاندنێ هه‌لبژارتیێ كوردستانێ له‌وا ئه‌ڤ گه‌شته‌ هاته‌ هه‌لوه‌شاندن.
سه‌لام حسێن زێده‌تر گۆت، پشتى مه‌ سه‌ره‌دانا ئیرله‌ندا كرى بۆ گرێدانا پرۆتۆكوله‌كێ دناڤبه‌را ئێكه‌تییا ته‌پاپێى یا كوردستانێ و هه‌لبژارتیێ ئیرله‌ندا ئه‌وان حه‌زكر یاریێن هه‌ڤالینى دگه‌ل یانه‌ و هه‌لبژارتیێ كوردستانێ بكه‌ن، ئه‌وبوو داخازنامه‌یه‌ك بۆ ئێكه‌تییا مه‌ فرێكر كو هه‌لبژارتیێ كوردستانێ بچیته‌ ئیرله‌ندا بۆ ئه‌نجامدانا چه‌ند یاریێن هه‌ڤالینى، بۆ ڤێ چه‌ندێ مه‌ژى به‌رهه‌ڤیێن خۆ كرن و تیما هه‌لبژارتیێ كوردستانێ پێكئینا و چه‌ند یاریێن هه‌ڤالینى دگه‌ل یانه‌یێن خولا هه‌رێمێ كرن، لێ مخابن بالیۆزخانه‌یا بریتانیا ل ئۆردنێ رازینه‌بوو ڤیزێ بده‌نه‌ هه‌لبژارتیێ كوردستانێ، له‌وا ئه‌ڤ گه‌شته‌ هاته‌ هه‌لوه‌شاندن.

بابه‌تێن ب ڤێ مژارێ ڤه‌ گرێدای