ڤه‌كۆلینه‌ك: دەستهەلاتدار زێده‌تر خیانه‌تا هه‌ڤژینیێ دكه‌ن

ڤه‌كۆلینه‌ك: دەستهەلاتدار زێده‌تر خیانه‌تا هه‌ڤژینیێ دكه‌ن

وار – دهۆک :

ل گۆره‌ى ڤه‌كۆلینه‌كا نوو كو ل وه‌لاتێ هۆله‌ندا هاتییه‌ ئه‌نجامدان، ده‌ستهه‌لات پالده‌ره‌كێ سه‌ره‌كییه‌ بۆ وێ ئێكی كو ژن و مێر یان ئه‌ڤیندار خیانه‌تێ ل ئێكدو بكه‌ن.
دكتۆر لۆریس لامەر، ڤه‌كۆله‌ره‌كێ دەروونییە و ڤه‌كۆلینه‌ك لسه‌ر 610 كەسان ژ هه‌ردو ره‌گه‌زێن نێر و مێ ل هۆله‌ندا ئه‌نجام دایه‌، بۆ وێ ئێكێ كو بزانیت سه‌ده‌مێن سه‌ره‌كى چنه‌ كو ئه‌ڤیندار و ژن و مێران پالدده‌ن بۆ وێ ئێكێ كو خیانه‌تێ ل ئێكدو بكه‌ن.
ل گۆره‌ى وێ ڤه‌كۆلینا هۆله‌ندا، 9%ێ ژ وان كه‌سێن كو بارێ وان یێ ئابوورى باش نینه‌، خیانه‌ت كرییه‌، و 24%ێ ژ كه‌سێن خیانه‌ت ل ئه‌ڤیندار یان هه‌ڤژینێن خوه‌ كرین ئه‌و بووینه‌ كو بارێ ئابووریێ وان ناڤجییه‌، ئه‌ڤه‌ ژى د ده‌مه‌كى دایه‌ كو ل گۆره‌ى ئه‌نجامێن وێ ڤه‌كۆلینێ، كه‌سێن زه‌نگین و ئه‌وێن پۆستێن بلند هه‌ین، ب رێژه‌یا 37%ێ خیانه‌ت ل ئه‌ڤیندار و هه‌ڤژینێن خوه‌ كرینه‌.
ئالییه‌كێ دى یێ وێ ڤه‌كۆلینێ ئه‌و ئێكه‌ ده‌رئێخستییه‌ كو سه‌ده‌مێ وێ ئێكێ كو زه‌لام زێدتر خیانه‌تێ دكه‌ن بۆ وێ ڤه‌دگه‌ڕیت كو هه‌تا نوكه‌ ژى زه‌لام ژ ژنان ب ده‌ستهه‌لاتدارن و پۆستێن گرنگ هه‌نه‌.
ل گۆره‌ى ئه‌نجامێن ڤێ ڤه‌كۆلینا كو ل وه‌لاتێ هۆله‌ندا هاتییه‌ ئه‌نجامدان، بۆ مه‌ دیاردبیت كو خیانه‌ت نه‌ گرێداى بارێ ئابووریێ مرۆڤییه‌ كو هه‌كه‌ر یێ هه‌ژار بیت دێ ژ خوه‌ و ژیانێ بێزار بیت و دێ نه‌چاربیت هه‌ر كاره‌كێ نه‌ دروست بكه‌ت، ئێك ژ وان ژى كو خیانه‌تا هه‌ڤژینیێ بكه‌ت، دیسان وان ئه‌و شیانه‌ نینن كو هنده‌ك په‌یوه‌ندیێن ئه‌ڤیندارى و حه‌زژێكرنێ هه‌بن یان ب تنێ بۆ تێركرنا حه‌زێن خوه‌ قه‌ستا جهێن تایبه‌ت یان ژى ژده‌رڤه‌ى وه‌لاتى بكه‌ن، به‌لكو بۆ مه‌ دیاردبیت كه‌سێن زه‌نگین و ده‌ستهه‌لاتدار پتر شیان هه‌نه‌ كو هه‌ر تشته‌كى ئه‌و ژێ حه‌زبكه‌ن بۆ خوه‌ بده‌ست ڤه‌ بینن، دیسان ئه‌و پتر قه‌ستا ژده‌رڤه‌ى وه‌لاتى دكه‌ن، ئه‌ڤجا ژبه‌ر ئێكێ دبیت بۆ وان ده‌لیڤه‌یا خیانه‌تێ پتر په‌یدابیت یان گه‌نجێن كو زه‌نگینن یان خودان ده‌ستهه‌لاتن، حه‌زدكه‌ن گه‌له‌ك په‌یوه‌ندى و تێكه‌لى د گه‌ل كچان دا هه‌بن و ده‌مێن خوه‌ د گه‌ل وان دا ببۆرینن.

بابه‌تێن ب ڤێ مژارێ ڤه‌ گرێدای