ژ نڤیسارێن جۆن پاسارۆى John A. Passaro

و.: وارڤان.

1

ژیان وه‌كو سواربوونا ترێنێیه‌

رێڤینگێن ترێنێ، وا دیاره‌ وه‌كو ته‌، دێ چنه‌ هه‌مان قۆناغێ، لێ ب گۆره‌ى باوه‌رییا وان ب ته‌ یان هه‌ر باوه‌ركرن كو ترێن دێ وان گه‌هینته‌ جهێ دلخواز، ئه‌و دمینن د ترێنێ دا، یان ل وه‌ختێ وه‌غه‌رێ، ئه‌و ل جهه‌كى ژ ترێنێ دهێنه‌ خوارێ.

ل هه‌ر راوه‌ستانه‌كێ خه‌لك په‌یا دبن و سوار دبن.

تو بزانى خه‌لك كه‌نگى دێ هێنه‌ خوارێ، ئه‌و كارڤه‌دانه‌كه‌ ل وان نه‌ ل ته‌.

چه‌ند كه‌سه‌ك د هه‌مى ژیانا ته‌ دا دێ هه‌مى وه‌غه‌رێ د گه‌ل ته‌ بن، ئه‌وێن باوه‌رى ب ته‌ هه‌یه‌، بزانه‌ تو مرۆڤى و خه‌له‌تى ل سه‌راسه‌رى رێكێ دێ قه‌ومن، و هوون هه‌ر دێ پێكڤه‌ گه‌هنه‌ قۆناغا دلخواز- نه‌گرنگه‌ چاوا.

شوكردار به‌ دگه‌ل ئه‌وى خه‌لكى.

ئه‌و ده‌گمه‌نن، و وه‌ختێ دبینى، قه‌ت ده‌ستان ژێ به‌رنه‌ده‌.

دلخوه‌ش به‌ ب ئه‌وێ، ل خرابترین راوه‌ستانێ، سوار دبت، وه‌ختێ كه‌سێ دى نه‌بت.

ئه‌وان كه‌سان ژبیر نه‌كه‌، ئه‌و تایبه‌تن.

هه‌رده‌م ل نێزیكى دلێ خوه‌ هه‌لگره‌.

وه‌ختێ هه‌رتشت دروست، گه‌له‌ك هوشیارى ئه‌وى خه‌لكى به‌ ئه‌وێن ل هنده‌ك راوه‌ستانان خوه‌ دخوشیننه‌ تێدا و وه‌سا ره‌فتارێ دكه‌ن هه‌چوه‌كو ژ سه‌رى وه‌ره‌ دگه‌ل ته‌ دا.

ئه‌و ئێكه‌مین كه‌سن دێ په‌یا بن.

جاره‌كێ دێ بینى ئێكى ب دزیكیڤه‌ بزاڤا په‌یابوونێ كر، و ئه‌و ژ وانن یێن ئاشكرا و لبه‌ر چاڤێ هه‌میان خوه‌ تێدا بهاڤێژن.

قه‌ت گوهـ نه‌ده‌ یاخى و ڤاڕێیان.

گوهـ بده‌ رێڤینگێن هێشتا دگه‌ل ته‌ به‌رده‌وام.

ئه‌ون گرنگ.

هه‌كه‌ر ئێكى ڤێیا ل ترێنێ سوار بته‌ڤه‌- نه‌ ئاجزبه‌، نه‌ كینێ هه‌لگره‌،… ژێ بگه‌ڕه‌.

ته‌نێ ل وه‌رچه‌پا دى لێ بنێڕه‌ كانێ ل كیڤه‌نه‌.

هه‌كه‌ر خوه‌ پێڤه‌ چیچڕاندبن- هه‌مبێز بكه‌.

هه‌كه‌ر جاره‌كا دى چمبلكێ هاوارێ راكێشان- هینگێ رێ بدێ ژ ترێنێ بهێنه‌ خوارێ و ئێدى قه‌ت، هیچ جهه‌كى د سه‌رێ خوه‌ دا بۆ وان نه‌هێله‌.

دێ وه‌خت هه‌بن، ترێن دێ هێدى ب ڕێڤه‌ چت، دێ بێژى  یا خوه‌ دخوشینت.

ئه‌وێ ژ ده‌ست خوه‌ نه‌كه‌، ل دیمه‌نى بنێڕه‌.

دێ وه‌خت هه‌بن، ترێن دێ هند له‌زگین ب ڕێڤه‌ چت، هه‌رتشت لبه‌ر چاڤێن ته‌ دێ شێلى بت.

خوه‌شییێ ژ هه‌ستا له‌زا ژیانا خوه‌ ببینه‌، وه‌كو تشته‌كێ دلخوه‌شكه‌ر لێ نه‌به‌رده‌وام.

هه‌روه‌سا ده‌لیڤه‌ هه‌یه‌، ترێن ڤاڕێ ببت.

هه‌كه‌ر ئه‌وێ روودا ، بۆ ده‌مه‌كێ درێژ، ئه‌و گه‌له‌ك ب ژانه‌.

لێ ته‌ هند دیت خه‌لكه‌ك ژ نشكێڤه‌ په‌یدابوون و تو ئینانه‌ سه‌ر رێكێڤه‌.

ئه‌و گرنگترین خه‌لكن د ژیانا ته‌ دا.

بۆ هه‌تاهه‌تایێ حه‌ز ژێ بكه‌.

چونكى تو قه‌ت نه‌شێى قه‌نجییا ئه‌وان كه‌سان ژ سه‌ر خوه‌ راكه‌ى.

ب خوه‌ وه‌ختێ تو بزاڤێ بكه‌ى تۆلێ ڤه‌كه‌ى، ئه‌و رازى نابن.

ته‌نێ پێشدا باژۆ.

ل دوماهییێ، ترێنا ته‌ دێ گه‌هته‌ وه‌ستگه‌ها دوماهییێ و پێدڤییه‌ تو ژێ په‌یا ببى.

هینگێ دێ زانى ژیان لدۆر وه‌غه‌رێ و قۆناغا دوماهیێیه‌‌.

بزانه‌ و بلا ته‌ باوه‌رى هه‌بت ل دوماهییا وه‌غه‌را ته‌، ترێنا ته‌ ئێكسه‌ر دێ رێڤینگ هه‌بن لێ سوار ببن، و هه‌مى رێڤینگێن ل هه‌ر وه‌خته‌كى لێ سوار، بۆ مه‌ره‌مه‌كا دیار لێ وێده‌رێنه‌.

خوه‌شییێ ژ سواربوونێ بۆ خوه‌ چێكه‌.

 

2

یانه‌یا بویه‌رێن ژیانگوهێڕ

یانه‌یه‌ك ل ئه‌ڤێ جیهانێ هه‌یه‌ تو ب ده‌ست نابییه‌ ئه‌ندام.

رۆژه‌كێ وه‌سا هلدكه‌ڤت تو ئه‌ندامى.

ئه‌و (یانه‌یا بویه‌رێن ژیانگوهێڕ)ه‌.

مزێ پشكدارییا یانه‌یێ تو باوه‌ر ناكه‌ى چه‌ند دلئێشه‌، ئێكجاركى و پێشوه‌خت بۆ هه‌مى ژیانێ دده‌ن.

مفایێ یانه‌یێ دیتنه‌كا نوویه‌ بۆ ژیانێ، و باش زانینه‌ كو نه‌دووره‌ تو ب ره‌وشا هه‌یى دلخوه‌ش نه‌بى، به‌س تو دشێى ب ره‌وشا هه‌یى دلخوه‌ش بى.

ته‌نها رێنوماییا یانه‌یێ ئه‌وه‌ تو نه‌شێى ببێژى كه‌سێ تو ئه‌ندامى.

یانه‌یێ رێبه‌رێ ئه‌ندامان نینه‌، به‌س وه‌ختێ تو ل چاڤێن ئه‌ندامان دنێڕى، تو دزانى ئه‌و ژى پارچه‌یه‌كن ژ یانه‌یێ. ئه‌ندامان مافێ ئاوره‌كا كورت هه‌یه‌ پێ ببێژن: (ئه‌ز نازانم).

ئه‌ندامه‌تییا ئه‌ڤێ یانه‌یێ دوماهیك تشته‌ ئێكى د ژیانا خوه‌ دا ل ده‌ستپێكێ ڤێیا بت.

بوون ئه‌ندام د ئه‌ڤێ یانه‌یێدا باشترین تشته‌ د ژیانا مرۆڤیدا روودا بت، و هیچ كه‌سه‌ك د یانه‌یێدا نه‌بوویه‌ ئه‌ندامه‌تى هێلا بت.

هه‌كه‌ر تو بنێڕى و تو بزانى تو ل چ دنێڕى تو دشێى ستێركا خوه‌ ل ئه‌ندامان بگرى؛ ئه‌و ئه‌ون یێن كارێن دلۆڤان دكه‌ن و تشته‌كى بۆ كه‌سه‌كى دكه‌ن كو قه‌ت نه‌شێت ده‌ینێ وان ژ سه‌ر خوه‌ راكه‌ت. ئه‌و ئه‌و خه‌لكه‌نه‌ یێن خوه‌شییێ و گه‌شبینییێ دوه‌شینن و زاخا خه‌لكى زێده‌ دكه‌ن، ب خوه‌ وه‌ختێ دلێ وان شكه‌ستى بت.

من هه‌قێ خوه‌ دابوو‌؛ ئه‌ندامه‌تییا من بۆ هندى هه‌بم ئیرۆ گه‌هشت، نه‌ ب رێكا به‌ریدێ، لێ ب رێكا هه‌ستا كوورا ناخێ من كو ئه‌ز نه‌شێم شرۆڤه‌ بكه‌م.

ئه‌و باشترین یانه‌یا من قه‌ت نه‌ڤێیاى ببمه‌ پشكه‌ك ژێ.

لێ ئه‌ز دلشادم ئه‌ز ئه‌ندامم.

 

3

زاڕۆك و دیوار

ژ هنده‌ك ئالیانڤه‌ ژ ده‌ستدانا زاڕۆكه‌كى وه‌كو دیواره‌كییه‌، لێ ل شوونا تو د سه‌ر ڕا ده‌رباز ببى، تو كیڤه‌ بچى، و بۆ هندى تو هه‌بى، گه‌ره‌كه‌ تو دیوارى ب خوه‌ ڕا هه‌لگرى.

دیوار نه‌لڤه‌.

تو نه‌شێى بچییه‌ هیچ جهه‌كى تاكو تو فێر نه‌بى دیوارى بلڤینى.

هۆسا، بۆ هه‌تاهه‌تایێ، تو ب هه‌مان جهیڤه‌ دنووسى.

تو دشێى هه‌رتشتێ ته‌ بڤێت راكێشى و راكێشى، به‌س ب رۆژان دیوار نالڤت.

و هنده‌ك رۆژان بچووسكه‌كێ دلڤت.

دگه‌ل وه‌ختى ئه‌ز تێگه‌هشتم كو تاكو پێشدا بچم، و دزانم پێدڤییه‌ دیوارى ژى دگه‌ل خوه‌ ببم، باشترین رێك ئه‌وه‌ ئه‌ز ب ئاوایه‌كێ په‌یڤخوازكى ئاخا نێزیكى دیوار هند تێر ئاڤ بكه‌م، دیوار سه‌رئاڤ بت و ل شوونا هه‌لگرم، دگه‌ل من بهێت.

هه‌ر كاره‌كێ ئه‌ڤینى و دلۆڤانییێ دبته‌ ئاڤ.

ئاڤ و ئه‌ڤینى دشێن هه‌رتشتى بسمن و بلڤینن.

ته‌نێ وه‌خت پێ دڤێت.

من دڤێت دیوارێ خوه‌ بكه‌مه‌ ده‌رف.

 

4

دوماهیك هه‌ناسه‌!

هه‌كه‌ر ته‌نێ هه‌ناسه‌یه‌ك ته‌ مابت- تو دێ چ بێژى؟

هه‌كه‌ر ته‌ ساته‌ك مابت ئێدى تو نه‌شێى له‌پێن خوه‌ بكاربینى- ئه‌رێ تو دێ لسه‌ر ته‌ختى روونشتى مینى؟

هه‌كه‌ر ته‌ زانى تو سوبه‌هى ئێدى نابینى، دێ دگه‌ل كێ ئاشت بى؟

هه‌كه‌ر ته‌ زانى ته‌ ساته‌ك ته‌نێ مایه‌ لسه‌ر ئه‌ردى- چ تشته‌ ته‌ هند بگڤێشت كو پێدڤییه‌ تو بكه‌ى، ببێژى، یان ببینى؟

باشه‌! ئه‌ز ژ تشته‌كى پشتراستم- رۆژه‌ك دێ هێت، دێ ته‌ رۆژه‌ك ته‌نێ، ساته‌ك ته‌نێ، هه‌ناسه‌یه‌ك ته‌نێ، مینت.

ته‌نێ خوه‌ پشتراست بكه‌ به‌رى ئه‌وێ رۆژێ، هه‌رتشتێ تو هیڤى دكه‌ى ته‌ گۆتبایه‌، كربایه‌ و جه‌ڕباندبایه‌، ته‌ گیرۆ نه‌كرییه‌.

نهۆ پێرابه‌- ئیرۆ بۆ هندێیه‌.

ته‌له‌فۆنێ هه‌لگره‌ و ته‌له‌فۆنا كه‌ڤنه‌ هه‌ڤاله‌كى بكه‌ كو ئه‌ڤه‌ ده‌مه‌كه‌ ته‌ خوه‌ ژێ دابڕییه‌.

ده‌ركه‌ڤه‌ و میله‌كى ببه‌زه‌ و له‌شێ خوه‌ بده‌ شۆلى و خوهـ بده‌.

ل ئێكى د ژیانا خوه‌ دا بگه‌ڕه‌ بێژییێ ل من نه‌گره‌. ل ئێكى د ژیانا خوه‌ دا بگه‌ڕه‌ بێژییێ سوپاس. ل ئێكى د ژیانا خوه‌ دا بگه‌ڕه‌ پێدڤى بوو ته‌‌ هه‌ستێن ئه‌ڤینییێ بۆ دیاركربانه‌.

ئه‌ڤجا، وه‌ختێ ئه‌و رۆژا ژێگۆتى دهێت، ته‌ هیچ ئاڕێشه‌ دگه‌ل چو نینه‌.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.