ژ مفاییَن که‌سکاتییان

ژ مفاییَن که‌سکاتییان

وار – دهوك :

ھەرچەندە کەسکاتی و زەرزەوات گەلەک د مشەنە و د ھەمی دەمێن ساڵیدا ھەنە و لبەر دەستن، لێ دێ بینین خەلک ب رەنگەکێ گشتی گەلەک کێم کەسکاتییان دخۆن و پتر پشتبەستنێ ب خوارنا گۆشتی و برنجێ دکەن ب رەنگەکێ رۆتینی و رۆژانە. کێم کەسێن ھەین ب رەنگەکێ رۆژانە کەسکاتییان دخۆن، ھزر دکەن کو مفایێ کەسکاتییان بەھراپتر بۆ کێمکرنا سەنگا لەشییە ژبەر ڤێ چەندێ دێ بینین کو دەما کەسەکی دڤێت سەنگا لەشێ خوە کێمبکەت، دێ دەست ب خوارنا کەسکاتییان کەت. لێ براستی گەلەک مفایێن مەزن بۆ کەسکاتییان ھەنە باشتر ئەوە کو مە ھەمییان پێزانینێن باشتر لسەر ڤێ چەندێ ھەبیت.

• لدەستپێکێ، ئەو پێکھاتەیێن خوارنێ یێن کو دناڤ کەسکاتییان دا ھەین گەلەک دگرنگن بۆ لەشێ تە و وەرارا خانەیان. ژێدەرەکێ سەرەکییە بۆ کانزایێن مینا پۆتاسیومی، ڤیتامینان مینا ڤیتامین ئەی، سی، ئی، و دیسان ژێدەرەکێ باشە بۆ ترشێ فولیکێ.
• خوارنا کەسکاتییان دگەل دانێن خوارنێ مەترسییا تووشبوونێ ب جەلتەیان، پەنجەشێرێ، نەخوەشییێن دلی و جورێ دویێ ژ نەخوەشییا شەکرێ کێمدکەت.
• رۆژانە مرئەگەرێ پەیدابوونا ھەودانان و ژەھراۆڤ پێدڤی ب بڕێ 4 وەقییان ژ کەسکاتییان ھەیە ھەرچەندە ئەڤ برە دھێتە گوھۆرین دگەل بڕێ وزەیێ لەشی یێ کو رۆژانە دھێتە بکارئینان.
• ھاریکارییا کوئەندامێ ھەرسێ دکەت بۆ چالاککرنا کارێ خوە ژبەرکو ژێدەرەکێ باشە بۆ فایبەران، ژبەر ڤێ یەکێ ھاریکارییا دەرئێخستنا ھەوای دکەت ژ رووڤیکان و زکی مرۆڤی ژ وەرمتنێ ققۆرتال دکەت.
• ھاریکارییا گەشبینییا پیستی دکەت ژبەرکو رێژەیەکا مەزن ژ کەسکاتییان نزیکی 90% ئاڤە دگەل ھندەک پێکھاتەیێن ناڤدار ب “فایتونیوتریێنت” یێ کو کاردکەن دژی پیربوونا پیستی.
• خوارنا کەسکاتییان ھاریکارییا گەشەیە ھەستییان دکەت و ب ڤی رەنگی ھەستییێن لەشی بھێز دئێخیت، ئەڤە ژی ڤەدگەریتە پێکھاتەیا وێ یا زەنگین ب کانزایان مینا کالسیۆم و مەگنیسیۆم.
زێدەباری ڤێ چەندێ، ھاریکارییا کارێ ئاشکێ دکەت لدەما مرۆڤ خوارنێن گران سەر ئاشکێ دخۆت. لێ گەلەک یا گرنگە مرۆڤ کەسکاتییان باش بشۆت ژبەرکو گەلەک زیندەوەرێن ھوور یێن ب زەرەر بۆ لەشی لسەر کەسکاتییان گەشەیێ دکەن و دەما دگەھنە لەشێ مرۆڤی دبنە ویبوونێ.

بابه‌تێن ب ڤێ مژارێ ڤه‌ گرێدای