ژ ده‌ستپێكا خوه‌نیشاندانان 400 كه‌س هاتینه‌ كوشتن

ژ ده‌ستپێكا خوه‌نیشاندانان 400 كه‌س هاتینه‌ كوشتن

WAAR-دهۆك:

ژ ده‌ستپێكا خوه‌نیشاندانێن ئیراقێ كو ژ 25ی ئۆكتۆبه‌را ئه‌ڤساله‌ د به‌رده‌وامن، پتری 400 خوه‌نیشانده‌ران هاتینه‌ كوشتن و 16 هزار ژی بریندار بووینه‌.
كۆمسیۆنا مافێن مرۆڤی یا ئیراقێ دیاركرییه‌، قوربانیێن خوه‌نیشاندانێن به‌غدا و پارێزگه‌هێن باشۆر و ناڤه‌راست زێده‌بووینه‌، ب ئاوایه‌كی تا نها گه‌هشتینه‌ پتری 400 كوشتی و پتری 16 هزار برینداران.
هه‌روه‌ها دیاركرییه‌، پرانییا قوربانیێن خوه‌نیشاندانان ب ته‌قه‌یا راسته‌ راست یا هێزێن ئێمناهیێ و هه‌روه‌ها بۆمبێن غازا رۆند كرێژ هاتینه‌ هنگافتن.
خوه‌نیشاندانێن ئیراقێ ل 25ی مه‌ها بۆری ل دژی گه‌نده‌لی، هه‌ژاری و بێكاریێ ده‌ست پێ كرن، هه‌ر زوو ئالۆزی و توندوتیژی كه‌فتن تێدا و خوه‌نیشانده‌ران داخوازا ده‌ست ژ كار كێشانا حكومه‌تێ كر.
دوهی رۆژا ئه‌ینیێ و پشتی بۆرینا 36 رۆژان، عادل عه‌بدولمه‌هدی ده‌ست ژ كار كێشانا خوه‌ راگه‌هاند، لێ خوه‌نیشاندان هێشتا ب داوی نه‌هاتینه‌.

بابه‌تێن ب ڤێ مژارێ ڤه‌ گرێدای